Accessibility links

шимбә, 10 декабрь 2016, Казан вакыты 15:47

Xoquq yaqlawçılar törmädä açlıq iğlan itkän eşmäkär Xodorkovskinı yaqlıy


Biredä 6 aktivist törmägä yabılğan kürenekle eşmäkär Mixail Xodorkovskiynıñ şulay uq törmägä yabılğan xezmättäşe Platon Lebedevnı ayırım törmä bülmäsennän çığaru taläben yaqlap Mäskäw törmäse yanında tınıç protest çarası ütkärergä çaqırdı. Älege aktivistlar arasında Mäskäw Helsinki törkeme başlığı Lüdmila Alekseyeva, häm sovet çorında dissident, säyäsi totqın bulğan Sergey Kovalev ta bar. Sişämbe könne Xodorkovskinıñ advokatları anıñ Lebedevqa qarata möğämäläne yaxşırtu taläbe belän açlıq iğlan itüen belderde. Lebedev törmä xezmätkärläre färmannarına buysınmağan häm alarnı mısqıllağan öçen comğa könnän birle ayırım bülmädä totıla dielä. Xodorkovskinıñ anası Marina Xodorkovskaya bügen Mäskäwdä Azatlıq radiosına Xodorkovskinıñ qayçannan birle açlıqta bulu mömkinlege turında bolay dide. AUDİO: Minemçä, Lebedevnıñ ayırım bülmägä yabıluı turında işetü belän, 19-nçı avgustta başlağandır. Xodorkovskinıñ advokatları äytüençä, Xodorkovski Lebedevnı ğädelsez säbäp belän ayırım bülmägä yapqannar dip anı annan çığarunı taläp itä.

XS
SM
MD
LG