Accessibility links

якшәмбе, 4 декабрь 2016, Казан вакыты 17:22

Migratsion eş qullarına bağışlanğan Mäskäw konferensiäse


Üzäk Aziädän Könçığış Yevropağa eş qullarınıñ migratsiäse mäsäläsenä bağışlanğan Mäskävdäge öç könnek konferensiä Çärşämbe könne tögällände. Migratsiä mäsäläse buyınça Xalıqara Oyışma tarafınnan oyıştırılğan konferensiädä BDB illäre , Yevropa Berlege häm AQŞ väkilläre qatnaştılar. Anda eş qularnıñ bigeräk tä Rusiägä kilüen kontrol itü mäsäläse tikşerelde.

Rusiäneñ xalıq sanı yıl sayın 750 meñgä kimi bara. Xezmät xaqları artıp torsa da, sänäğättä ber milion eş qulı cetmi. İqtisadçılarnıñ fikerençä, bu şulay dävam itsä, berniçä yıl eçendä ekonomik üseş tuqtalaçaq. İkençe yaqtan Üzäk Aziä, Kafkaz, Moldova häm Ukrainadan millionağan keşe eş ezläp çit illärgä kitä. Mäskäv konferensiäsen oyıştırğan Migratsiä buyınça Xalıqara Oyışmanıñ texnik direktorı Claus Folden radiobız xäbärçesenä xezmät qullarınıñ migratsiäsen tuqtatıp bulmıy häm asılda bu Rusiäneñ mänfäğätlärenä xezmät itä dip belderde.

Audio

"Bez xökümätlärgä bu xaqta qat qat äytäbez. Alar migratsiä ber fenomen häm anı tuqtatıp bulmayaçağın añlıy başladılar. Rusiä öçen bu bik kiräk. Şul säbäple anı idaä itä başlau xäyerleräk. Töp süz migratsiä belän idarä itü."

Bälkim küplärgä mäğlum tügelder. AQŞ häm Germaniädän qala Rusiä immigratsiä mäsäläsendä öçençe urında tora. Xäzerge vaqıtta Rusiädä 3-4 milion çit il eşçese eşli . Zur küpçelege BDB illärennän Rusiä iqtisadındağı üseşkä alar öleş kertälär. Rusiädäge migrant eşçelärneñ yrtısıan küberäge anda terkälmiçä eşlilär. yäğni illegal eşçelär. Şul säbäple alarnıñ ber nindi xoquqı yuq häm eş birüçelärneñ häm xakimiätlärneñ märxämätennän bäylelär. Älbättä, alar salım da tülämilär. Rusiä Fännät Akademiäseneñ xezmätkäre bu mäsälälär buyınça belgeç Janna Zayonçkovskaya bu ike yaqqa da zian kiterä , rişvätçelekkä häm oyıştırılğan cinayätçelekkä alıp bara digän fikerdä. Anıñ süzlärneçä, xökümät migrant eşçelärgä amnistiä iğlan itüne planlıy , läkin, kirätälär küp. Xäzerge qatmarlı burokratiä xezmät häm yäşäv röxsäten alunı korrupt räsmilärneñ qulına birä. Eş birüçelär belän dä eş şulay uq.

Audio

"Migrant eşçelär öçen xezmät häm toraq mäsäläsendä tieşle şartlar buldırudan bik yıraq torabız. Eş birüçelär östennän kontrol bik yomışaq . Küplär isä xezmät standartınıñ minimumen da ütämilär. Militisä kürmäsen öçen illegal eşçelär podvallarda häm yäşäv öçen tözelmägän urınnarda yäşilär."

Zayonçkovskayanıñ süzlärençä, Rusiägä yaqın kiläçäktä milionağan eş qulı kiräk bulsa da, ruslarğa monı añlatu qıyın. Migratsiä buyınça Xalıqara Oyışmanıñ texnik direktorı Claus Folden Rusiä, Könbatış Yevropa illärenä qarağanda äle uñay vazğiättä, aña yaña dulqın emigratnarnı innetgratsiäläv mäsäläsendä baş qatırırğa kiräkmi.

Audio

"Rusiäneñ vazğiäte başqaçaraq , Ul SSSRnıñ ber öleşe ide. Rusiädäge migrant eşçelärneñ zur öleşe elekke sovet vatandaşları. Şul säbäple alarnıñ tel kirtäse yuq , tarixları da nindider ber däräcädä urtaq."

Demograflarnıñ belderüençä, eş qullarına ixtiaç böten Yevropa illärneä qarıy , Küpkenä illär yaqın kiläşäktä migrant eşçelär öçen üzara yarışaçaqlar. Bügenge köndä immigratsiägä döşmanlıqnıñ buluın küz aldında totqanda, bu zur üzgäreş bulaçaq.

Färit İdelle. Praga.
XS
SM
MD
LG