Accessibility links

якшәмбе, 11 декабрь 2016, Казан вакыты 08:59

Ğiraq konstitutsiäseneñ parlamentta qayçan tawışqa quyılaçağı açıq tügel


Associated Press häm France Press xäbär agentlıqları parlament räsmiläreneñ parlament bügengä bilgelängän yaña konstitutsiä ölgesen tawışqa quyunı kiçekterde digän süzlären kiterä. Şul uq waqıtta xökümät süzçese Laith Kubba tawış birü yä bügen tön urtasına qädär yä yäkşämbe bulır dip isäpläwen belderde. Kubba äytüençä, sönnilär qabul itsen öçen konstitutsiä ölgesenä qayber üzgäreşlär kertelgän. Bügen Ğiraq prezidentı Cälät Talabani şığıylar belän kördlär tarafınnan kileşengän ölgeneñ sönnilär tarafınnan qabul iteläçägenä optimizm belän qarawın äytte. Bağdadtan tönyaqta qorallı keşelär Talabaninıñ ike tän saqçısın atıp üterde häm berniçä keşene yaraladı. Bügen Ğiraq politsiäse Bağdadtan könyaqta atıp üterelgän 36 keşeneñ mäyete tabıldı dip belderde.

XS
SM
MD
LG