Accessibility links

шимбә, 3 декабрь 2016, Казан вакыты 01:27

Hindstan Äfğänstanğa östämä yardäm wäğdä itte


Biredä Äfğän prezidentı Xämit Qarzai Hindstan premyer ministrı Manmoham Singhnı qabul itep töbäktäge iminlek häm terrorçılıq mäs'äläläre turında söyläşte. Qabulda urtaq matbuğat oçraşuında çığış yasap Qarzai töbäk öçen Hindstan belän Paqstan arasında solıx buluı zarur dide häm terrorçılqnı ciñü öçen 3 ilne bergäläp eşlärgä çaqırdı. Singh Äfğänstannıñ torğızıluı töbäktä totrıqlılıq öçen zarur dip Hindstannıñ bu ilgä yardäm itäçägen belderde. AUDİO: Bez Äfğänstannıñ iqtisadın köçäytergä tieş. Bez bu böyek ildä barğan demokratik protsessnıñ şoma ğına alğa baruın tä'min itärgä tieş. Şuña kürä, Äfğän xökümäte nindi genä yardäm sorap möräcäğät itmäsen, bez bu mäs'äläne bik bernindi qarşılıqsız qarıyaçaqbız. Nindi yardäm kiräklegen Äfğänstan xökümäte häm xalqı äytergä tieş, bez andıy yardäm birergä äzerbez. Singh Äfğänstanğa tağın 50 millionlıq yardäm bireläçägen iğlan itte. Moñarçı Hindstan Qabulğa 500 millionlıq yardäm wäğdä itkän ide inde. Singh Qabulğa bügen kilde. Bu soñğı 3 distä yılda Hindstan premyerınıñ Äfğänstanğa berençe säfäre.

XS
SM
MD
LG