Quşma Ştatlarnıñ könyağındağı New Orleans şähärenä yaqınlaşuçı Katrina dawılı iñ yuğarı 5-nçe däräcädäge dawıl dip bäyälänä.
Tizlege säğätenä 250 çaqrımğa citkän bu dawıl qotoçqıç zur zıyan kiterergä mömkin.
Katrina dawılı inde Florida ştatınıñ ber öleşenä zıyan kiterde häm Meksika qultığındağı cıyıl sudan energiä alıp köçen tağın da arttırdı.
Quşma Ştatlarda 1935-nçe yıldan birle barı 3 kenä 5-nçe däräcädäge dawıl buldı.
Katrina yar buyına düşämbe irtän kilep citärgä tieş. New Orleansta häm Luiziana ştatınıñ başqa tübän öleşlärendä yäşäwçelär evakuatsiälänä. Ämma räsmilär xalıq bu dawılnıñ ni däräcädä qurqınıç buluın äle añlap betermi kebek di.
