Accessibility links

Кайнар хәбәр

İñ yaxşı çabış atları - Tatarstanda


27 augustta yaña açılğan ippodromda at çabışları ütte.

İppodrom bik zur häm matur itep zamança tözelgän. Anda älegä 480 baş atlıq urın bar. Mondıy zur ippodromnar jir şarında 2-3 kenä ikän.Yaña İppodromnı Açu tantanasında Qazan şähäreneñ nigez salınuına häm tözeleşenä bağışlanğan teatral''läşterelgän küreneş kürsätelde. Häm anda 10 törle at çabışları uzdırıldı.

Berençe çabışlar Qazannıñ meñyellığına bağışlanğan ide. Anda 1600 metrlıq çabışta Voronej ölkäsennän Drager atında büläkne atçabışı V.Melexov aldı.

RF awıl xucalığı ministrlığı bülägen 3200 metrdağı çabışlarda Mäskäw ölkäsennän “Satellit” isemle atta Mixail Kappuşev aldı.

Tatarstan prezidentı bülägen 2400 metrğa uzdırılğan çabışta Krasnodar ölkäsennän “Mentik” isemle atta İ.Perıyşkov yauladı.

RF Prezidentı bülägenä uzdırılaçaq çabışlar aldınnan Ufadan kilgän Ädham Şarafutdinov aqsaqal, at belgeçe, “Bügenge köndä iñ yaxşı atlar -Tatarstanda, dip äytkän ide. Çınlap ta, Tatarstannıñ Nurlat at zavodınıñ “Lamborn” isemle atında Rostov yegete osetin Andrey Lyaxov RF Prezidentı bülägeneñ berençe urının yauladı. Atlar 2000 metrğa çaptılar. Büläklärneñ fondı 5 million ide. Şunıñ berençe urın yaulağanına 2.500 meñ sum aqça qaralğan. 15 yıl Nurlat at zavodı citäklägän Yosıf Äxmätsafin Azatlıq radiosına birgän intervyusendä: “Zavodnıñ 150 baş çabış atları bar. “Lamborn” Nurlatta tuıp Nurlatta üskän çabış atı. Bu zavodta atlarğa solı, peçän kişer, yözem, bal, törle vitaminnarğa qadär aşatabız. Bu at çabışlarında ciñep çığarğa niätlägän idek häm ciñep tä çıqtıq”,- dide.

“Altın dağa" bülägenä qatnaşqan atlar arasında Ufa şähäreneñ “Aqbuzat” ippodromı citäkçese Oleg Krolik äytüençä, Ufadan kilgän Kanva, Streyç, Damask isemle atlar Räsim Zaripovnıñ atları ikän. Ämma 14 at arasınnan 1600 metrlıq çabışta berençelekne Mäskäw ölkäsennän Gess isemle atta çabıp, Vladimir Sergeev aldı.

Şulay uq Qazannıñ meñyellığına bağışlap Fransiä kuboğına uzdırılğan yarışlarda atlar şäxsän keşelärneke ide .

Berençe urınnı Kundun isemle T.Lepre atında Anders Linkvist isemle at yörtüçe yauladı.

İkençe urınnı şäxsän J. Zäytün atında İvor Jede isemle atta Patrik Şevre buldı . Öçençe urınnı E.Wal de Krez atında Orus Darşanj isemle atta Paskal'' Jan Qardo buldı.

İppodromda ul könne tağın Kriterium bülägenä , Qazan Kremle bülägenä, häm At sportı häm yaxşı toqımlı atlar ürçetü Federatsiäse bülägenä häm 4 тапкыр “Elit''”, “Rangout” büläkläre iäse Bötenrossiä derbistı rekordistı bülägenä dä çabışlar uzdı.

Totalizatorlarğa aqça salırğa teläwçelär küp ide. Ämma mondıy at çabışlarına aqça quyarğa öyränmägän tamaşaçınıñ qayberläreneñ , başta kassağa barıp aqça quyarğa başlarına kilmäde , häm ippodromnıñ kassaları da tamaşaçı arasında yuq ide.12.30 säğättä başlanası tamaşa säğät yarımğa soñğa qalınıp başlandı. Ä soñınnan inde militsiä xezmätkärläre ippodromda zur citäkçelärdän torğan delegatsiälärne xäwf- xätärdän saqlaw niätennän , ippodromdağı kassalar tiräsenä xalıqnı cibärmädelär. At çabışlarında atqa quyarğa telägän tamaşaçılar 30 avgustta bulaçaq at çabışlarında teläklärenä ireşä alalar.

Mälikä Basıyr.

XS
SM
MD
LG