Accessibility links

дүшәмбе, 5 декабрь 2016, Казан вакыты 11:34

Şähär köne suverenlıqnı onıttıra bara


30 avgust köne Respublika köne bularaq inde onıtılıp kilä. Här xäldä räsmilär bu turıda ällä ni iskä almasqa tırışalar. Qazan şähäreneñ dä köne 30 avgust itep bilgelängäç, monnan unbiş yıl elek suverenlıq turında deklaratsiä qabul itelgän kön şähär köne dip kübräk yaqtırtıla. Ä waqıtında, 30 avgust, tatarnıñ ğasırlardan-ğasırlarğa küçep kilgän däwlätçelekne torğızu turında xıyalnıñ tormışqa aşu köne ide. Beraz yaqın tarixqa küz salıyq

Azatlıq dip yañğırağan tawışlar

Şuşındıy tawışlar belän 90 yıllarda Qazan görläp tora ide. Tatarlar irek dawlıy başlağan çor. Ul çaqtağı TASSR Yuğarı Şurasınıñ yaña sostavı eşli. Sovetlar çorında irekle saylanğan berençe deputatlar. Kön tärtibendä Tatarstan avtonomiä respublikasınıñ suverenlıq iğlan itü mä’säläse tora. 1990 yıldağı 30 avgustında Yuğarı Şura utırışı kiçke unğa qädär däwam itä. Häm bertawıştan Tatarstannıñ suverenlığı xaqında deklaratsiä qabul itelä. Älege deklaratsiädä Tatarstan suveren däwlät, xalıqara xoquq subyektı dip kürsätelä. Läkin şuşı deklaratsiäne raslap ütkän 1992 yılnıñ 21 mart referendumı näticäläre dä, şul uq yılnı qabul itelgän suveren Tatarstan konstitutsiäse dä inde bügen ğämäldä tügel. Xätta, deklaratsiädä populyar süz tügel, kiresençä, qayber mäğlümatlarğa qarağanda, Mäskäw, bu deklaratsiäne bötenläy ğämäldän çığarırğa dip bara. Rusiädäge soñğı yıllarda urnaşqan vertikalläşterü säyäsäte, Tatarstannıñ, deklaratsiädä qaralğan xalıqara xoquq subyektınnan Rusiäneñ ğädäti subyektına äyländerde. Älbättä, Tatarstannı iqtisadıy potensialı ğına xalıq könküreşen bötenläy xäyerçelekkä töşermi. Bu älegä. Çönki, Mäskäw, Tatarstannı üz buysınuında totıp milliardlağan kerem ala h(m bu kerem könnän kön arta bara. Yäğni, Tatarstan salımnarı Mäskäügä ağıla ğına tora. Ä şulay da, suverenlıq könen xalıq onıtmıy.

Şähär köne genä tügel bu, ul Tatarstannıñ suverenlıq köne dä.

Bez 30 avgust Tatarstan bäysezlek iğlan itkän kön ikänen onıttıq

Dönyalar ğına imin bulsın inde

Qazan uramnarında yazıp alınğan qayber fikerlär bu. Tatarstan tuqsanınçı yıllar başında alğan ireklekkä, tatar milli däwlätçelegen torğızuğa şulay da ömet bar, dilär millätçelär. Häm Tatarstan suverenlığı öçen köräşne däwam itälär.

Räfis Cämdixan

XS
SM
MD
LG