Accessibility links

дүшәмбе, 5 декабрь 2016, Казан вакыты 05:34

Qazan uramnarındağı tamaşalar


Mullanur Vahitov häykäle yanında sişämbe irtäsendä nigezdä yäşlär cıyılğan ide. Alar öçen Peterburdan kilgän häm “Dürt tatar” KVN törkemnäre çığış yasadı.
Bauman uramı isä bäyräm çaralarına tağı da bay buldı. Biredä tarixqa bağışlanğan teatral' tamaşalar, estrada cırçıları konsertı, törle kürgäzmälär, uyınnar häm başqa bik küp qızıqlı çaralarnı kürergä mömkin ide. Bauman uramında bäyräm çaraları irtänge unnan kiçkä qädär bardı. Telägän här keşe aqça tüläp maymıllar, kügärçennär belän fotoğa töşte. Ä iñ küp xalıq Bauman uramında quyılğan häykällär yanında cıyılğan ide. Häykällär isä isän, tere keşe bulıp çıqtı. Yannarına cıyılğan keşelärneñ qulların qısıp, iñ oşağannarına xätta jurnallar da büläk itte. Mäskäwdä çığa torğan rus jurnalınıñ täqdir itüe ide bu. Xalıq tamaşalardan qänäğät ide. Meñellıq çaraları alar küñelendä äle bik ozaq saqlanır.
Lenin baqçası yanında isä balalar räsemnäre kürgäzmäse buldı. Räsemnärdä uquçılar üz Qazannarın töşerdelär. Balalar qulı belän töşerelgän xätta asfal'tta da Kreml', Qazan küreneşlären kürergä mömkin ide. Balalar räsem belän şöğellängän waqıtta, alar yanında tınlı orkestr Salix Säydäş marşın häm başqa küp kenä köylär uynadı.
Al'bina Zäynulla

XS
SM
MD
LG