Accessibility links

пәнҗешәмбе, 8 декабрь 2016, Казан вакыты 11:11

Sönnilär aradaşçısı Moqtada äs-Sadrnı Ğiraq konstitusiäsen yaqlarğa çaqırdı


Sönni ğäräp aradaşçısı Saleh al-Mutlaq, radikal şiği ruxanie Moqtada äs-Sadrnı häm tağın başqa köçlärne Ğiraq konstitusiäsen yaqlarğa çaqırdı.

Sönnilär, töp qanunda bilgelängän federalizm arqasında Ğiraq kördlärneñ tönyağı häm şiğilärneñ könyağına bülener, dip borçıla.

Könbatış Ğiraqtağı amerikan xärbi höcümendä kimendä 40 keşe häläk buldı. Reuters mäğlümat agentlığı Ğiraq-Süriä çigendäge Qaim şähärendä xastaxanä wäkile Mohammäd al-Aani süzlären kiterep, höcüm bulğan ber yortta 35, ikençe ber yortta 12 keşe ülde, dip xäbär itte. Frans Press xäbär agentlığı häläk bulğannarnıñ sanı kimendä 56 dip belderde. Ğäräp televideniä kanalları 40lap dip xäbär itä.

Amerikan xärbi köçläre, Qaim yanında Al-Qaidağa qarşı çara buldı, berniçä suğışçı üterelde, dip belderde.

XS
SM
MD
LG