Accessibility links

шимбә, 10 декабрь 2016, Казан вакыты 11:58

2002 yılda 6 çeçen keşesen ütergän 4 Rusiä xärbie ğäyeple dip tabıldı


Rusiä Yuğarı Mäxkämäseneñ xärbi bülege, 6 çeçen keşesen üterüdä ğäyeplängän 4 Rusiä xärbien aqlağan mäxkämä qararın bügen döres tügel dip taptı. Rostov Dondağı xärbi mäxkämä älege 4 xärbi 2002nçe yılnıñ 11nçe ğinwar üterülärendä ğäyeple tügel, digän qarar qabul itkän ide.

Xärbilärneñ advokatlarınıñ berse, Nataliä Belyaeva, mäxkämä qararına rizasızlıq belderde:

"Xärbilärneñ qanun nigezendä xäräkät itkänen isbatlar öçen köräşne däwam itäçäkbez, berdän ber mömkin qarar ul – aqlaw" dide advokat.

Bu xökem prosessı – Rusiäneñ Çeçnyada alıp barğan ikençe xärbi kampaniäsendä cinäyät qılğan xärbilärgä cäza birä aluın sınaw bularaq qabul itelde. Elekke mäxkämä eşlärendä, xärbilär çeçennarnı üterüne tanığan ide. Mäxkämä üterüne – färman ütäw dip aqlağan ide.

XS
SM
MD
LG