Accessibility links

сишәмбе, 6 декабрь 2016, Казан вакыты 19:06

Qazannıñ 1000 yıllığı närsälär belän istä qalır?


Qazan 1000 yıllığına bağışlanğan bäyräm çaraları, kötkännän dä äybäträk buldı. Cirle televidenie kanalları soraştıru ütkärgän, cawap birüçelär, şulay, dip cawap birde. 2005nçı yılğı bäyräm, ğädättäge 30nçe avgust tamaşaçılarınnan, qolaçlıraq, tamaşalarınnan tekäräk, çaqırılğan säxnä yoldızlarınıñ yaltırraqları belän ayırılıp tordı. Şunıñ belän bergä, bäyräm çaraları moña qädär bulmağan iminlek çaraları belän qazanlılar küñelendä istä qalır. Şähär televideniese mäğlümatlarına qarağanda, bäyräm çaralarında 100 meñläp keşe qatnaşqan. Kamal teatrı qarşındağı mäydanda, Bulaq häm Bauman uramnarındağı tamaşalar tämamlanğannan soñ, bäyrämne däwam itärgä teläweçlär, Üzäk Stadion häm Yärminkälär mäydanında yunälde. Üzäk Stadiondağı bäyräm tamaşasına här kemne buşlay kertergä röxsät itelgän ide. Ämma tärtip saqlawçılar bu xaqta xäbärdar bulmağanğa küräme, tamaşa qararğa teläweçlärne kertmäde. Üzläreneñ pozitsiälären alar, stadion tulğan, basıp torırğa da urın yuq, dip añlattılar. Xätta bilet satıp alğan, çaqıru biletların alğan keşelär dä kerä almadı. Militsiä xezmätkärläre, qullardan totınışıp, tere çılbır yasap, xalıqnıñ basımın totıp tordı. Ämma, xökümät maşinasın ütkärer öçen stadion kirtäseneñ qapqası açılğaç, xalıq ağımı, militsiä yasağan kirtälärne cimerep, bärep kerde. Stadionğa üzenä kergändä dä şundıy uq xäl qabatlandı. Keşelär, minem anda onıqlarım çığış yasıy, dip militsiä xezmätkärlärenä yalındı. Başqalar, bäyrämne küräse kilä dip, eçkä kertergä soradı. Kemder, bilet biregez, alarnı qayan alıyq, dip ber bersenä taşlandı. Tärtip saqlawçılar, bar işeklärne saqlap, başta, biletları bulğan keşelärne genä ütkärde. Azatlıq radiosı xäbärçese, nigä keşelärne kertmäwe turında tärtip saqlawçılardan soradı.Ämma cawap ala almadı. Soñıñnan, ber işektän bulmasa, ikençesennän, bar tişeklärdän biletlar bulğan keşelär dä kerde. Stadiondağı urınnarınıñ kübese buş bulıp çıqtı. Üzäk, Könyaq häm Tönyaq tribuna utırğıçları ğına alınğan ide. İnde bäyräm tamaşasına kilgändä, ul 1000 yıllıq korabına utırıp säyäxät itü fikere belän suğarılıp bardı. Konsert tamaşası İlham Şakirov cırı belän başlanıp kitte. Xäzerge tatar estrada yoldızları ber-ber atlı berär kuplet cırlap çıqtı. Biyuçe balalar, Tatarstanda yäşäwlär niqädär bäxetle buluın çağıldıruçı biyulär, küp keşe qatnaşlığındağı tamaşalar kürsätte. Tatarstan şähär balıqları törkeme, Qazannıñ 1000 yıllığı üzençä büläk yasadı. Bremen muzıkantları äsärendäge cırnı üzgärtep, şähär iseme yazılğan külmäklär kiep, bez naçaq keşelär tügel, dip cır başqardılar. Qazanda 1 meñ balağa mäktäp äsbäpların büläk itte.

Tatarstannıñ atqazanğan artistı Alsu Safina ber niçä cır başqardı. Berençesen urısça cırladı. Annan 1 cırnı tatarça başqardı häm Mintimer Ğäymeyıvqa bağışladı. Ul «Ätkäy» cırı bulıp çıqtı. Alsu kebek cırçını, tamaşaçılar, köçle alqışlar belän sälämläde. Bäyrämdä tağın urısça, tatarça, patriotik cırlar başqarıldı.

Axırdan, simfonik orkestr belän bergä, Dmitriy Xvosrostovskiy çıqtı. Anı tamaşaçılar, tağı da köçleräk alqışladı. Ul berniçä cır başqardı, ämma alqışlar tuqtamadı, ul tağın berniçä cır cırladı. Bäyräm külämle feyerverk,salut belän tämamlandı, Qazan 1000 yıl digän yazular, utlap çäçep qabınıp kitte.

Soñınnan Yärminkälär mäydanındağı bäyräm başlandı. Stadionnan çıqqan xalıq şähärneñ başqa bäyräm tamaşalarına kilgän qazanlılar häm qunaqlar, zamança cihazlanğan säxnä, Kreml divarları yanına ütep kerergä teläde. Aldanraq kilgän keşelär, tınıç qına, tikşerülär uzıp mäydanğa ütep kerde. Ämma, kiçe 10narda, xalıq ağımın xärbilärgä, militsiä xezmätkärlärendä tuqtatıp, totıp torırğa turı kilde. Meñlägän keşelärne öleşläp, öleşlär, metall ezläwçe ramnar yanına kiterep, tikşergä tırıştılar, ämma xalıq ağımı bik köçle bulğanğa kürä, centekläp tikşerü mömkin bulmadı. Barı quldağı äyberlärne tikşerep, östän östän genä tikşerü bardı. Mäydanda eçemleklär satu bulmasa da, ayaq astında çüp häm buş şeşälär küpläp aunap yattı. Yärminkälär mäydanındağı bäyräm, kiçke 10narda başlanıp kitte. Anı rusiä estradası artistları alıp bardı, ämma aralarında Qazan şähär başlığı kamil İsxaqovnıñ qızı Tereza kamalova da bar ide. Qazan häm baqa töbäklärdän kigän tamaşaçılar, Rusiä estradası yoldızları çığışların qaradı. Axırdan, tatarça da ber niçä cır yañğıradı. Cırçı Alsu soñğı cırın başqarğanda, salyut başlanıp kitte. Yärminkälär mäydanındağı lazer yaqtırtqıçlar yärdämendä ut uynatıp tamaşa başlandı. Qazannıñ 1000 yıllığına 1000 meñ tapqır salyut bäylämnäre tönge kükne yaqtırttı. Şunıñ belän bergä lazer şou buldı, anda tatarstannıñ däwlät simvolları, mäçet manaraları, çirkäwlär, qazan bayrağı, şähär küreneşläre sürätläre, xätta Kreml däkürsätelde. Här räsemne, tamaşaçılar tawışlar belän, alqışlap, çıqçırıp, qarşı aldı. Bäyräm tamaşaları tönge 1gä qädär bardı.

XS
SM
MD
LG