Accessibility links

чәршәмбе, 7 декабрь 2016, Казан вакыты 17:38

Bağdadta 650gä yaqın keşe taptalıp ülde


Ğiraq eçke eşlär ministrlığı xäbär itüençä bügen Bağdadta 648 keşe eteş-törteştä taptalıp ülgän.

Ministrlıqnıñ matbuğat wäkile leytenant-polkovnik Adnan Aldul-Rahman, 322 keşe cärähätlär aldı, dip xäbär itte.

Şığı ğäräplär Tigr yılğası aşa salınğan küperdän qarşı yaqqa imam Musa al-Kadhim ülemeneñ 1000 yıllığın iskä alırğa dini bäyrämgä barğan bulğan. Azatlıq radiosınıñ Bağdadtağı xäbärçese Nabil al-Haidari, xalıq basımı astında küper totqıçları cimerelde, dip söyläde:

"Distälägän, yözlägän keşe yılğağa töşte, tağın da kübräge ber bersenä bärelep taptaldı."

Eçke eşlär ministrı Bayan Cabor, bügenge faciğa öçen ğısyançılarnı ğäyepläde. Taptalunıñ närsädän başlanuı turında tögäl genä mäğlümat yuq. Polisiä xäbär itüençä xalıq arasında kemder intixarçı buluı turında qıçqırğan, eteş-törteş şunnan başlanğan bulırğa mömkin.

Moña qädär ike säğät qala dini bäyrämgä baruçılarğa höcümnär bulğan ide, kimendä 7 keşe häläk bulıp 40 keşe yaralandı.

Ğiraq premyerı İbrahim Cağfari 3 könlek mätäm iğlan itte.

XS
SM
MD
LG