Accessibility links

якшәмбе, 11 декабрь 2016, Казан вакыты 03:28

AQŞ Katrina dawılınnan soñ neft rezervların aça


Amerikanıñ könyaq yarı buyında Katrina dawılınnan soñ su basıp cimerelep qalğan şähärlärdä qotqaru eşläre däwam itä. Louisiana ştatındağı New Orleans şähäreneñ küpçelek öleşe su astında häm su arta bara, dip xäbär itelä. Tirä yaqtağı küllär dä yarlarınnan çıqqan. Häläk bulğannarnıñ sanı tögäl xäbär itelmi. Mississippi ştatınıñ ber awılında ğına da 100gä yaqın keşe batıp ülgän bulırğa mömkin. Mississippi, Louisiana häm Alabama ştatlarında Katrina ğarasatı millionnan artıq keşegä ziyan kiterde.

Belgeçlär inde xäzerdän ük, bu cimerülärneñ amerikadağı tabiğat qazaları tarixında iñ zur häläkät buluın farazlıy, matdi ziyan meñlägän million bula ala, digän borçılu bar.

Meksika qultığında neft çağıru tuqtaluı säbäple, Amerika Quşma Ştatları neftne rezervlardan çığarırğa mäcbür bulaçaq. Ämma anıñ tögäl küläme häm bu xaqta räsmi belderü soñıraq bilgele bulır dip kötelä.

XS
SM
MD
LG