Accessibility links

Кайнар хәбәр

Beslanda mäktäp faciğasen iskä aldılar


Mäktäp faciğaseneñ ber yıllığın iskä alırğa bügen Beslanda meñlägän keşe cıyıldı. Näq irtänge 9 tulıp 15 minutta 1 yıl elek çeçen suğışçıları mäktäpne, andağı 1100dän artıq keşene totıq itep aldı, alarnıñ kübese balalar ide. Faciğäle 3 kön Rusiä xärbiläreneñ mäktäpkä höcüme belän tämamlandı, näticädä 331 keşe hälak buldı, küpçelege balalar ide.

Krasnodardağı Kuban Universitetında belem bäyärämendä çığış yasağanda Rusiä prezidentı Vladimir Putin faciğäne iskä aldı:

"Bezneñ ildä häm çit däwlätlärdä millionlağan keşe, faciğä turında belgän häm yöräge bulğan här keşe bu qotoçqıç xälne iskä alaçaq."

Häläk bulğannarnıñ tuğannarı Rusiä xökümäteneñ reaksiäsenä qarşılıq belderep, tsitata "keşe xoquqları xörmät itelgän teläsä nindi ildä säyäsi sıyınu sorap" açıq xat belän cämäğätçelekkä möräcäğät itte. Comğa könne "Beslan anaları" prezident Putin belän oçraşa.
XS
SM
MD
LG