Accessibility links

җомга, 9 декабрь 2016, Казан вакыты 03:06

Üzbäkstan bäysezlek könen bilgeli


Üzbäkstan bäysezlegeneñ 14 yıllığın bilgeläw köne aldınnan kiçä prezident İslam Kärimov, xalıqnı tsitata "kürşe häm yıraq illärneñ yaman niätlärenä uyaw bulırğa" çaqırdı. Qayber illär, dide Kärimov, "Üzbäkstan mänfäğätlärenä qarşı ğämällär başqarudan qurıqmıy."

Üzeneñ çığışında Kärimov Üzbäkstan xalqına bulğan yaratuın häm çiksez xörmäten belderde. İl aldında milli iminlek, eşsezlek, küp ölkälärdä reformalar uzdıru kebek xäl iteläse mäsälälär bar, dide.

Rusiä prezidentı Putin Mäskäwneñ Taşkent belän duslığın rasladı, alğa taba ike il arasında xezmättäşlekneñ tağın da üsäçägenä ışanıç belderde.

Keşe xoquqları torışın küzätüçe Amnesty İnternational oyışması Üzbäkstannı ülem cäzasın beterergä çaqırdı. Prezident Kärimov, cäza 2008nçe yılğa qädär betereläçäk digän färmanğa qul quyğan ide. Ämma oyışmanıñ Üzäk Aziä bülege belgeçe Anna Sunder-Plassman süzlärenä qarağanda, Üzbäkstanda 2008nçe yılğa qädär ülem cäzasın alırğa tieşle keşelär küp:

"Ägär dä üzbäk räsmiläre, ülem cäzasınıñ yalğış häm keşeçelekkä qarşı ikänen añlağan ikän, nigä anı beterer öçen 2008nçe yılğa qädär kötergä? bu – 2008nçe yılğa qädär küpme keşeneñ yuq iteläçägen añlata," dide oyışma belgeçe.

XS
SM
MD
LG