Accessibility links

Кайнар хәбәр

Qazannıñ Meñyıllığında bulğan törkem Ufağa qaytıp töşte


Anda 60tan artıq keşe. Bu törkem Bötendönya tatar kongressı çaqıruı buyınça bardı. “Ramazan” milli-ağartu üzägeneñ “Ğabdulla Tuqay” isemendäge teploxodta oyıştırğan su buylap säyäxäte Ufağa 2nçe sentäbr qaytıp töşäçäk. Anda 160tan artıq keşe. Şulay uq bäyrämdä respublik xaqimiäteneñ räsmi deleğätsiäse dä qatnaştı. Başqortstan Prezidentı “Tantanalar iskitkeç buldı”,- dip belderde.Ul şulay uq Rusiä Prezidentı belän Başqortstannıñ Rusiägä üz irege belän quşılunıñ 450 yıllığın ütkärü mäsäläläre turında da fiker alışu bulğanın äytte. Räximov bäyräm proğrammasına qağılışlı mäsälälär turında federätsiäneñ finans ministrı Qudrin häm transport ministrı Lewitinnar belän dä söyläşkän. Qazan ippodromında Stawropol' krayı ğubernatorı Aleksandr Çernoğorov Mortaza Räximovtan:”Başqortstanda tormışlar niçek?”- dip sorağan.Räximov aña:”Tatarstanğa qarağanda küpkä yaxşı”,- dip cawap birgän. Bu turıda “Qommersant” gäzite ireşterde. Bügen Qazannıñ meñ yıllığın bäyräm itkän könnärdä tärtip saqlawda qatnaşqan Başqortstan militsiäse xezmätkärläre Ufağa qaytıp töşte. Alar 306 keşe. Başqortstan militsiäse Tatarstan başqalasın saqlağanda törle däräcädäge12 cinayätne açqan.Dürt militsioner Esperanto isemle uramda timerçıbıqları tırpayıp torğan ike qara qonteyner tapqan. Hönäri ostalıqları öçen alarğa büläklär birelgän.
XS
SM
MD
LG