Accessibility links

җомга, 9 декабрь 2016, Казан вакыты 18:39

Uram etläre yortlı bula kebek…


Şuşı könnärdä Tınıçlıq bistäsendä uram etlären däwalaw üzäge açıldı. Bu xaqta bezgä älege üzäkneñ belgeçe Lyubov' Martınova citkerde.

Qazan şähärendä uram etläre 20 meñgä yaqın dip sanala, isäpkä alınmağannarı belän 40 meñ. Başqalabızda qarawsız qalğan etlär probleması qotıçqıç däräcägä citte. Zıyan kürüçelär sanı artqannan-arta bara. Tınıçlıq bistäsendä açılğan üzäk, ul inde Qazannıñ meñyıllığı aldınnan iyün ayında uq üz eşen başlarğa tieş ide. Qarawsız qalğan etlärne däwalaw üzäge proyektı turında uram etläre buyınça eşläwçe munitsipal' idärä direktorı Marat Arslanov 185 çitlek bulaçaq, etlärdän tış mäçelär häm başqa canwarlar da däwalanaçaq, byudjettan bülep birelgän 2 million aqçanı qullanıp beterdek, xäzer östämä aqça taläp itelä dip söyläde. Ä şuşı uq üzäkneñ belgeçe Lyubov' Martınova bügenge köndäge Tınıçlıq bistäsenä kiterelgän etlär yazmışı turında menä närsälär söyläde.

Bezneñ sistema bolayraq eşli. Kemdä bulsa bezgä şaltıratıp üzeneñ işek aldında yörüçe uram etläre barlığın xäbär itä. Şunnan soñ bezneñ kinologlar ul keşelär yärdäme belän ul etne totalar. Xäbär itkän keşene üzebezdä terkäp tä quyabız. Bu etne 20 kön däwalağannan soñ kire urınına qaytaru öçen kiräk. Bezgä kiterelgän etlärne 10 kön karantinda totabız, döresräge däwalıybız. Annan inde ana etkä sterilizatsiä ütkäräbez, ä ata etne orlıqsızlandırabız. Ul inde atalıq eşçänlegen yuğaltaçaq.

Xäzerge waqıtta 13 et däwalana. Kübese Tınıçlıq bistäsendä yäşäwçelär tarafınnan kitertelgän canwarlar. 20 könnän et qayan alınsa şunda kiterelä. Ayına 200 etne qabul iteläçäk. Telgän keşe üz eten dä däwalata ala. Bu eşlär barsı da buşqa eşlänelä. Öç keşedä torğan 4 brigada häm vetvraçlar bu eş belän şöğellänä. Här vetvraçnıñ yöklängän üz ete bar. här çitlekkä berär et urnaştırıla, üzäktä 160 çitlek

Tınıçlıq bistäsendäge üzäkkä şul tirädä yäşägän keşelär genä tügel barlıq Qazanlılar möräcäğät itä ala. Elemtä öçen telefon 50-06-15.

Röstäm İsxaqıy

XS
SM
MD
LG