Accessibility links

шимбә, 10 декабрь 2016, Казан вакыты 10:02

London intixarçısı video tasmada kürsätelde


7nçe yül Londondağı terror höcümnärendä intixarçılarnıñ berse buluda şiklänelgän Möhämmäd Siddiq Xannıñ video yazması, terrorçılarnıñ nindi bulğannarın añlarğa yul aça. Bu xaqta bügen Leyboristlar partiäse wäkile Şahid Mälik belderde. Tasmada Xan üzen xärbi dip atıy, häm Britaniä xökmüteneñ säyäsäte, şul sanda Ğiraq suğışın yaqlawı öçen britan watandaşları – xädäf bula ala, di.

Britaniä tışqı eşlär ministrı jack Straw, Ğiraq suğışı häm London şartalwları arasında bäyläneş bulu ixtimalın kire qaqtı. London höcümnäre qorbannarınıñ tuğannarı bu tasmağa protest belderde. Şartlawda iptäş qızın yuğaltqan Britaniädä yäşäwçe möselman Gous Ali, Xannıñ äytkännäre – İslamğa qağılmıy, dip belderde, häm Xan kebek keşelärgä qarşı köräş alıp baraçağın äytte.

Xannıñ videosı pänceşämbe könne al-Cazeera televideniäsendä kürsätelde. Anda şulay uq al-Qaidada ikençe keşe bulğan Ayman al-Zawahrinıñ London şartlawların xuplawı, häm kiläçäktä Ğiraq suğışın yaqlağan koalisiä illärendä tağın höcümnär bulaçaq digän süzläre bar ide.

XS
SM
MD
LG