Ğiraqnıñ elekke citäkçese Säddam Xösäinneñ tuğannarı anı yaqlaw öçen yaña advokatlar törkemen bilgeläwlären belderde. Säddamnıñ qızı Räğäd elek yallanğan meñyarımlap xoquq belgeçe qarşılıqlı kiñäşlär birgän öçen taratıldı dide.
Ğiraq xökümäte Säddamnı häm anıñ iñ yaqın 7 kiñäşçesen xökem itü eşe ilküläm konstitutsiä referendumınnan soñ 4 kön ütkäç, 19-nçı üktäberdä başlanaçağın belderde.
Xökem itelüçe 8 keşe 1982-nçe yılda Ducail şähärendä 143 keşeneñ üterelügä bäyle räweştä ğäyeplänä. Anda Säddamğa uñışsız höcüm bulğan ide.
Ğäyeplänüçelär arasında Säddamnıñ yartı tuğanı, elekke iminlek xezmäte başlığı Barazan İbrahim belän elekke vitse prezident Taha Yassin Ramadan da bar.
Säddamğa şulay uq keşeleklelekkä qarşı cinayätlär, şul isäptän 1080-nçe yıllar axırında, 90-nçı yıllar başında kördlärne häm şığıylarnı küpläp üterü ğäyeplärläre belderelä.
