Däwlät televideniese aşa kürsätelgän çığışında atom söyläşülärendä İran törkemen citäkläwçe Ali Laricani İrannıñ atom yağulığı yasawın tuqtatu öçen basım yanaw däräcäsenä citte dide. Ul arada tışqı eşlär ministrlığı süzçese Xämit Riza Asefi Tähran Quşma Ştatlardan häm Yewropa Berlegennän basımğa bireşmiäçäk, häm üzeneñ tınıç atom texnologiäsen buldıru xoquqnnan baş tartmıyaçaq dide.
AUDİO: Alar yanawlar belän İrannıñ xoquqların kire qaqqan çorlar ütte. Tınıç atom texnologiäsenä iä bulu bezneñ qanunı xoquqıbız häm bez annan çigenmiäçäkbez.
AQŞ häm Yewropa räsmiläre ägär dä Tähran atom yağulığı äzerläw eşen tulısınça tuqtatmasa, Tähranğa qarşı çikläwlär kertü mömkinlegen qaraw öçen İrannıñ atom programması eşen BMO İminlek Şurası qaramağına tapşıruı belän yanadı. Comğa könne Xalıqara Atom Energiäse İdaräse başlığı Möxämmät äl-Baraday İrannıñ uzğan ayda İsfahan qorılmasında uran eşkärtüne yañartuın raslawçı xisap iğlan itte.
