Accessibility links

сишәмбе, 6 декабрь 2016, Казан вакыты 03:47

Düşämbe könneñ töp qaharmannarı – studentlar


Ğädättä 1 sentäber respublikanıñ barlıq mäktäplärendä häm yuğarı uqu yortlarında Belem bäyräme bularaq uza ide. Bıyıl törle imeş- mimeşlär yörsä dä, mäktäplärdä uqular ğädättägeçä 1 sentäber könne başlanıp kitte. Qazannıñ 1000 yıllığın bäyräm itü uñayınnan studentlarnıñ cäyge yalları berniçä köngä ozınraq buldı häm yuğarı uqu yortlarında yaña uqu yılı 5 sentäberdä genä başlandı. 100 meñgä yaqın yuğarı mäktäp uquçıları 5 sentyaberdän uqırğa töşte. Qazan finans institutı häm mädäniät-sänğat universitetı 1 sentyaberdän uq uqı başlasa, energetiklar – 8 sentyaberdä genä uqu yılın başlayaçaq. Berençe uqu köneneñ iñ kürenekle häm ğorur zatları – yaña uqırğa kergän kiçäge abiturientlar. Alarnı tantanalı räweştä studentlar ğailäsenä aldılar.

Düşämbe irtäsendä Qazannıñ yuğarı mäktäplärendä tantanalı notıqlar, qotlaw süzläre, studentlıykqa bağışlaw yolaları ütte.

Qazanğa yuğarı uqu yortlarında uqırğa dip törle töbäklärdän yäşlär kilä. Şulay düşämbe irtäsendä Başqortstannıñ Tuymazı şähärennän Qazanğa belem alırğa kilgän 2 qız belän äñgämä qorıp aldıq.

Rezidä häm Gölnaz Tuymazı Şähärendä uqıp, berdäm-däwlät imtixanınnan bik yaxşı yuğarı bäyälär alğannar häm bu alarğa Qazannıñ medina häm finans- iqtisat institutlarına artıq zur qıyınlıqlar kiçermiçä uqırğa kerergä mömkinlek birgän. Berdäm däwlät imtixanda 85 ball cıyğan Rezidäne imtixansız alğannar , ä Gölnazğa ber genä imtixannı birergä turı kilgän. Bu qızlarğa xätta tatar kongress aşa alınğan kvotıyların qullanırğa turı kilmägän. İñ yuğarı sıyfatlı belem tuplağan yäşlär Qazanda yuğalıp qalmıy. Mondıy studentlar ğädättä tuğan telgä, millätkä dä bitaraf tügel. Şähärdä üskän Rezidä häm Gölnaz tatarça söyläşüläre belän dä ğorurlanalar.

5 sentäberdä studentlıykqa bağışlanğan yäşlär arasında andıy yeget häm qızlar az tügel. Şunısı ğına uñaysız Rezidä belän Gölnaznıñ torır cirläre yuq. Alarğa tulay toraq birelmägän, daimi fatirlı äbi dä tapmağannar. Xäzergä alar waqıtlıça tanışlarında yäşäp toralar.

Gölnaz Şäyxetdinova.

XS
SM
MD
LG