Accessibility links

шимбә, 10 декабрь 2016, Казан вакыты 10:01

TDGPU nıñ tulay torağında yäşärgä bıyıl studentlarğa urınnar citmi


5 sentäber köne 3 yuğarı uqu yortın berläştergän TDGPU nıñ Qazanda yäşämägän studentları öçen berniqädär mäşäqätleräk kön. Çönki alar universitetnıñ studentları yäşi torğan yortqa urnaşu belän mäşğül'lär. Tik härbersendä törle mäs'älä. Qazanda yäşämägän berençe kurs studentlarınıñ barısın studentlar yortına urnaştıru öçen sälämätlek turındağı beleşmäneñ tulı buluı ğibärät. Şunıñ öçen universitetnıñ Puşkin uramında urnaşqan 1 häm 2 studentlar yortı (anda matematika, geografiä, biologiä, tarix, tatar tele filologiäse , rus tele filologiäse, yuridik , muzıkal', fizkul'tura , häm başlanğıç mäktäp fakul'tetları studentları yäşägän yort) aldında bik küp studentlar häm ata-analar çiratqa basqannar ide. Alar menä närsä didelär:

Ä ikençe kurstan alıp, 5 kursqa qädär uqığan studentlarnıñ aldında torğan mäs’äläläre ikençe törleräk bulıp çıqtı. Çönki 2 kurstan 5 kursqa qädär uqığan studentlar tik attestatsiä ütkännäre genä studentlar yortında yäşärgä röxsät ala alalar ikän. Yoqlarğa urın yuq, order birmilär, bıltır yäşägän idek 3 kursta uqibız, tarix fakul'tetın qısqartqannar, tulay toraqta urın yuq, -dilär Baltaç, Ätnä, Balıq bistäsennän, Çüpräledän , Buadan, Alekseewskidan uqığan studentlar.

Ä başqa yıllardan ayırmalı bularaq, bıyıl universitetnıñ yuridik fakult'tetınnan monda yäşärgä studentlar bik küpkä artıq cibärelgännär. Bu problemalar turında Azatlıq radiosı xäbärçesenä TDGPUnıñ 2 sanlı Studentlar yortınıñ 1998 yıldan birle monda xezmät kürsätkän, ä xäzer mödir bulıp eşlägän Gölçäçäk Mullaxmätova menä närsälär dide.

“Yuridik fakul'tettan tulay toraqta yäşärgä, dip, dekanatlardan order belän kilüçe studentlarnıñ sanı bıyıl ayırmaça küp. Alar bıltır 2-3 etajlarnı alıp toralar ide , bıyıl 4 etajnı da bez alarğa birergä mäcbürbez. Bernindi ğayıbe bulmağan balalar urınsız qalalar. Yätim bala, Sultanbaev Ruslan xäzerge minutta uramda”,- dide ul .

Menä şundıy problemalar belän yäşilär bügenge studentlar, fakult'tet dekannarı, studentlar yortı mödirläre.

Mälikä Basıyr, Qazan.

XS
SM
MD
LG