Accessibility links

чәршәмбе, 7 декабрь 2016, Казан вакыты 23:21

Germaniä: Saylawaldı kampaniäseneñ qaynar çorı başlandı


Yevropanıñ in zur iqtisadına iä Germaniädä saylaw aldı kampaniäse tämamlanıp kilä.Kansler Gerhard Schröder urta-sul sotsial demokratlar partiäse belän Angela Merkelneñ konservativ Xristian Demokratları arasındağı upqınnı yabu, saylawçılarnı üz yağına cälep itü öçen bik zur tırışlıq alıp bara.Yäkşämbe kiç ike citäkçe 20millionnan artıq keşe qarağan televidiniä debatında oçraştı. Citäkçelär qarar birmägän saylawçılarnı üz yağına cälep itä aldımı, moñı 18.sintäberdäge saylaw näticäläre kürsätäçäk

Xristian demokratlar partiäse citäkçese Angela Merkel yäkşämbe kiç

Merkel(audio)

Schröder efende il buylap 7yıl qızıl-yäşel koalitsiä xakimiättä, Germaniä öçen 7 yaxşı yıl buldı dip söyläp yöri. Äytergä tieşmem bik küp keşe öçen bu safsata, buş süz bulıp tora

Merkel köndäşe G.Schrödergä eşsezlek suğıştan sonğı in yuğarı däräcägä citte dip äytep ,üzen yaqlarğa çaqırdı.Ämma kansler şunduq xökümät başlatqan qıyın reformalar sonğı könnärdä eşsezlekneñ kimüenä kiterä başladı dip belderde.

Schröder(audio)

Bu xäl mine qänäğätländerä dip äytmim.Niçek andıy ideaga kilergä? Ämma älegä qädär ber kemneñ dä başlatırğa qıyulıq itä almağan reformalarnı bez başlattıq häm alarnıñ näticäse kürenä başladı, şunlıqtan bu säyäsät däwam itergä tieş.

İke citäkçe Törkiä Yevropa Berlegenä kertelergä tieşme digän mäsälädä bäxäsläşte. Merkel qaraşınça Törkiägä tulı äzğalıq wäğdä itep, soñraq bu wäğdäne ütämäw cawapsızlıq bulaçaq . Schöder moñı qısqa qaraşlılıq dip bäyäläp , yalğışasız, sez Törkiäne Berlekkä kertüneñ säyäsi ähämiäten añlamiysız dide. Televidiniä debatınnan soñ ütkärelgän fiker beleşülärdä , fikere soralğannar , Schröder ciñdi dip äytkän. Ämma bu ciñü Schöderneñ sotsial demokratlarına 11 punkt belän alda torğan Merkelneñ xristian demokratlar partiäsen quıp citärgä yardäm itär mikän ? Angela Merkel küp söyläsä dä kiçäge debattta ul töp mäsälälärdä üz partiäseneñ säyäsäten äytmäde dip belderä Bonnda urnaşqan İqtisad wä Säyäsät öçen İnstituttan analitiğı Adrian Ottnad

Ottnad(audio)

Ul älegä qädär närsä eşlärgä planlaştıruın äytmäde

Berlin Universitetındağı başqa ber analitik İngo Peters qaraşınça, Schröderneñ dä Merkelneñ dä ber waqıtlarnı Yevropanıñ in dinamik iqtisadı bulğan alman iqtisadın canlandıru öçen ışandırırlıq plannarı yuq.

Peters(audio)

Alarnıñ Germaniä problemaların çişü öçen täqdim itkän programmalarına küz salsan, azmı küpme berbersenä oşıy yäki alarnıñ problemalarğa biräçäk çın cawabları yuq

Här ike citäkçese dä qıybatqa töşkän sotsial däwlätttä reformalarğa däwam itünen ähämiätenä basım yasıy , globalizatsiäneñ kitergän qurqınıçlarğa qarşı toru öçen böğülüçän xezmät şartların azsızıqlıy .Yazmış şuqlığı digändäy Schöderneñ popularlığının kimüenä anıñ sälämätlek saqlau, sotsial yardäm häm pensiä sistemasın reformalarğa kereşüe säbäp buldı.Saylawçılar Merkelneñ Xristian Demokratları ber üze yäki İrekle Demokratlar partiäse belän bergäläp xakimiätkä kilsälär sotsial iminlek ölkäsendä küpkä küberek yuğaltular bulaçağın bik yaxşı belä . Almanya saylawçıları globalizatsiäneñ täsirenä däxşät belän qarıy.Misal öçen Volkwagen maşina tözü zavodı ütkän atnada yaña model sport maşınasın Germaniä-Wolfsburgta tügel ä Portugaliädä eşläp çığarırğa qarar birde .Çönki maşina başına anda meñ yevro ekomiäli alaçaq.Germaniädä bügen 4.8million keşe eşsez.İkençe törle äytkändä eşqullarınıñ 11%eşsez. İqtisadi bilgesezlek säbäple Almannar traditsion hobbilärenä kire qayttı. Yäğni aqça sarıf itäse urınğa aqça cıya. Bu isä istiğmalçı sektorında torğınlıqqa säbäp bulıp tora. Ämma eşnen qızığı şunda euro bäyäseneñ yuğarı buluına qaramastan Germaniä elek bulmağan qädär küp tovar export itä, üzläre äytmişle eksport çampionnarı. färidä xämit
XS
SM
MD
LG