Accessibility links

шимбә, 10 декабрь 2016, Казан вакыты 19:43

İndoneziädä oçqıç qazasında 140-tan artıq keşe ülde


İndoneziäneñ öçençe zur şähäre Medanda bügen İndoneziä yulçılar oçqıçı hälakätkä duçar bulıp yortlar östenä töşep cimerelde. Näticädä yulçılarnıñ küpçelege häm cirdä bulğan 30-lap keşe hälak buldı. Rueters xäbär agentlığı Mandala hawa yulları süzçeseneñ oçqıçtağı 112 yulçınıñ 10-sı häm oçqıç xezmätkärläreneñ 5-se isän qaldı digän süzlären kiterä. Süzçe äytüençä, isän qalğannarnıñ barısı da oçqıç cirgä töşkändä anıñ qoryıq öleşendä bulğan. İsän qaluçılarnıñ berse äytüençä, Medannan İndoneziä başqalası Jakartağa quzğalğan oçqıç cirdän kütärelü belän sulğa borılğan häm berniçä sekundtan cirgä töşep cimerelgän. Medan hawa alanı şähär üzägenä yaqın urnaşqan häm anı toraq yortlar uratıp alğan.

XS
SM
MD
LG