Accessibility links

Кайнар хәбәр

New Orleansta qalğannar üz iminlekläre xaqına annan kitärgä çaqırıla


Quşma Ştatlarnıñ uzğan atnadağı Katrina ğarasatınnan zıyan kürgän Meksika qultığı töbägenä prezident George Bush kiler aldınnan federal' xakimiätlär New Orelans şähärendä isän qalğan keşelärne üz iminlekläre xaqına annan kitärgä çaqırdı. Räsmilär bu hälakättä berniçä meñ keşe ülgän dip isäpli. Ber atna elek Katrina qağarası şähärne sudan saqlap toruçı sädne cimergännän soñ New Orleansnıñ zur öleşen su bastı. Ğarasat häm annan soñ su basu näticäsendä ber millionlap keşe yortlarınnan küçerelde. Kimendä 350 meñläp yort cimerelde häm milliardlarça dollarlıq zıyan kilde dip isäplänelä. Cirle xakimiätlär häm şähär xalqı xökümätne krizisnı çişü öçen aşığıç çaralar kürmäw öçen tänqitläde.
XS
SM
MD
LG