Accessibility links

якшәмбе, 4 декабрь 2016, Казан вакыты 01:00

İrımburda berençe qıñğıraw


Yaña uqu yılı başında, berençe qıñğıraw mäktäplärdän tış, başqa uqu yortlarında da yañğıradı.

Orenburnıñ Mstislav häm Leopol''d Rastropoviçlar isemen yörtkän sänğät institutınıñ teatral'' fakul''tetına, başqa studentlar belän ber rättän, öç student qabul itelde. Alar Orenbur tatar däwlät drama teatrı öçen maxsus äzerlänäyäçäklär. Moña qädär älege uqu yortında, tatar teatrı öçen, maxsus äzerlängän studentlarnıñ berençe çığarılışı altı yıl elek buldı.

Berençe kursqa alınğan studentlar xaqında M.Fäyzi isemendäge Orenbur tatar däwlät drama teatrınıñ sänğät citäkçese Röstäm Abdullaev söyli.

Abdullaev...AUDIO...

M.Fäyzi isemendäge Orenbur tatar däwlät drama teatrınıñ sänğät citäkçese Röstäm Abdullaev, tatar tele buyınça, studentlarnı üze uqıta.

Şulay uq, berençe qıñğıraw Orenburgnıñ Cämiğ mäçete qarşında urnaşqan “Xösäyeniä” mädräsäse şäkertläre öçen dä yañğıradı. Mädräsä, şäkertlär öçen, üz işeklären 11-nçe tapqır açtı. Älege dini uqu yortında qızlar da, yegetlär dä belem ala. Soñğı yıllarda, yäşlär arasında, mädräsädäge kiçke uqular bik populyar bulıp kitte. Bu bigräk tä köndez uqığan häm eşlägän yäşlär öçen uñay ikän.

Möfti Gabdelbarıy xäzrät Xäyrullin bu xaqta bolay dide.

Xayrullin...AUDIO...

Möfti Gabdelbarıy xäzrät Xayrullinnıñ äytüençä, xäzerge köndä Cämiğ mäçetendä tözekländerü eşläre bara. Tizdän Orenbur möselmannarı namazların yañartılğan mäçettä uqır.

Älege uqu yılında 3 sanlı Orenbur pedagogiä kölliäteneñ tatar-başqort-nemes törkemenä dä talibälär alındı. 14 yıl elek oyışqan kölliätkä, tatar-başqort-nemes törkemnärenä, talibälär ayırım, 3 törkem bulıp alına kilde. Berniçä yıl rättän inde, talibälärneñ sanı az bulu säbäple, alarnı ber törkemgä quştılar. Şulay itep, kölliätneñ tatar tele uqıtuçısı Güzäl Xösnulla qızı Xäsänovanıñ äytüenä qarağanda, älege uqu yılında da barlığı 5 talibä alınğan. Uzğan yılnı berençe kurs bötenläy bulmadı, öçençe kursta 8, dürtençe kursta 12, bişençe kursta 7 talibä uqı. Kölliätkä, 9 sıynıftan soñ, uqırğa dip, şähärdän yıraq urnaşqan tatar awıllarınnan kilälär. Uqu programması da 5 yılğa qaralğan. Ä bu äti-änilär öçen dä matdi qıyınlıq tudıra, dip añlata älege xälne, kölliätneñ tatar tele uqıtuçısı Güzäl Xösnulla qızı Xäsänova.

Älege uqu yılında da, 1 sentäberğa qädär, berençe kursqa talibälärne alırğa mı, yuq mı digän soraw tordı. Aluın aldılar da bit, tik 5 kursqa citäräk, alarda tatar tele däresläreneñ uqu säğätläre kimep, fakul''tativ räweşendä genä qalaçaq.

Firüzä Absalyamova, Orenbur

XS
SM
MD
LG