Accessibility links

дүшәмбе, 5 декабрь 2016, Казан вакыты 03:41

G.Bush ğarasattan zarar kürüçülärgä küp häm ozın möddätle yardäm wäğdä itä


Prezident G.Bush sonğı 4 köndä AQŞnıñ qultıq töbägenä yasağan ikençe säfärendä Louisiana häm Missisipide ğarasat qorbannarına zur häm ozın möddätle yardäm wäğdä itte. Krizisqa kürsätkän mönäsäbät yözennän tänqitlär artıp kitkäç prezident tufannañ xarab bulğan töbäkkä yañadan qayttı.Yäşäp qalğannnarnı qotqaru, mäyetlärne çığaru eşe däwam itä, New Orleansta tufanda cimerelgän säd-dambalar öleşçä tözätelde.

Missisipi, Louisianda qul qısışıp yöregän prezident Bushnıñ kierenkelege yözenä çıqqan. Ul xäzer elek bulmağan basım astında tora.Prezidentnı tänqitläwçelär- sannnarı şaqtıy ğına –alar ul krizis başlanğaç Washingonğa qaytırğa aşıqmadı häm il ruxi citäkçelekkä moxtaç bulğan mizgeldä prezident anı birä almadı dip äytä.Ämma Bush köräşä, ul töbäktäge krizis belän eş itü öçen sintäber ayındağı barlıq oçraşu plannarın üzgärtte.Düşämbedä ul 4 kön eçendä ikençe märtäbä Louisianağa kilep frontta citäkli başladı

G.Bush(audio)

Laura häm min Lousianağa qayttıq häm monnan Missipigä barıp eşläse eşlär küp dip äytäçäkbez.Bez bu eşlärne cirle häm ştatlardağı keşelär belän eşlärgä däwam itäçäkbez.Berençe eş keşelärne saqlap qalu , ber genä tormış ta qurqınıç astında bulmas öçen eşlärgä tieşbez.

G.Bush häm xatını Laura New Orleanstan kilgän moxacirlarnı sıyındırğan Baton Rouge çirkävendä buldı .Prezident xökümät bäla qazanın täsiren kimetü öçen qulınnan kilgän här närsäne eşli dide .New Orleans mere Ray Nagin häläk buluçılar sanı 10meñ bula ala dip äytkän ide.Qotqaru eşlärendä 50meñ çaması däwlät gvardiäsehöm xärbi eşli.Ğarasatnıñ kitergän zian 100 milliard dolar dip äytelgäç ata Bush üze häm eleke prezident Bill Clintonnıñ zarar kürgän ştatlarnı yardäm häm meditsina xezmätläre belän tämin itü öçen fond oyıştıruların iğlan itte.

ölkän Bush (audio)

bez Louisiana , Missisipi häm Alabama gubernatorları belän kiñäşläşkännän soñ Bush-Clinton-Katrina isemle fond oyıştırdıq.Bez Bu aqçanı gubernatorlarğa tapşıraçaqıbz, alar anı in yaxşı niçek qullanırğa ,qarar birer.Gubernatorlar ştatların yañadan tözekländerü öçen cawaplı keşelär häm alarğa aqça kiräk.

Ämma Clinton fond oyıştıruğa qatnaşsa da ul häm NY senatorı xatını Hillary Clinton xökümätneñ krizisqa kürsätkän mönäsäbät turında kongressnı tikşerü başlatırğa çaqıralar. Federal häm cirle xakimiätlär qotqaru eşlärendäge citeşsezleklär öçen cawaplılıqnı berbersenä awdarğanda new Orleans politsiä başlığı Compass politsiä wazıyfasın başqarmadı diyüçelärgä bik kisken cawap qaytardı

Eddie Compass(audio)

bezneñ köräşne sez küz aldına da kiterä almisız. bezdä aş, su yuq amunitsiä dä bette , maşinalarıbız yuq, bez paçranğan ağulanğan suda suğışabız. Politsiäneñ qayberlärendä yaralar yalqınsındı, bu çınbarlıq

New Orleansnıñ su astında qaluına säbäp bulğan cimerelgän säd-damba tözetelde, şähärdäge su suırtıla başlandı ämma bu eş yaña tufannar bulmağan xäldä dä atnalarğa suzılaçaq . Şähär buş bulıp kürensä dä, armie 10meñläp keşe äle dä bar,alar evakuatsiälänäçäk dip äytä . Ğarasattan qaçıp Texas ayrım alğanda Houstan-ğa ğına 130meñ keşe sıyındı.Sälämätlek saqlau sisteması yökne xis itä. Ştat xökümäte kötelmägän qunaqlarnıñ toraq, uqu çığımnarın kem kütäräçäk dip borçıla .Amerikanıñ problemaları äle başlana ğına. färidä xämit
XS
SM
MD
LG