Accessibility links

шимбә, 3 декабрь 2016, Казан вакыты 07:40

Rusiä belän Qıtay xärbi xezmättäşlekne arttırıraçaq


Rusiä saqlanu ministrı Sergey İvanov Rusiä belän Qıtay xärbi xezmättäşlekne, şul isäptän urtaq xärbi künegülärne arttırırğa cıyına dip belderde. Şul uq waqıtta ul Mäskäw belän Pekiñ xärbi berektäşlek tözemiäçäk dide. İvanov monı Mäskäwdä Qıtay saqlanu ministrı Çao Gañ-çuan belän oçraşudan soñ äytte. Uzğan ayda Rusiä belän Qıtay Yıraq Könçığışta berençe urtaq xärbi künegülär ütkärde. İvanov künegülärne yaxşı dip bäyäläde.

AUDİO: Bu künegülärne Qıtay yağı da, Rusiä yağı da ğömümän alğanda uñay bäyäli. Bu bezneñ ölgergän strategik xezmättäşlektä yaña sıyfattağı mönäsäbätlär buldıru mömkinlege birde.

Çao ike yaqnıñ xärbiläre bu künegülärdä yuğarı däräcä xezmättäşlek kürsätte dide. Analitiklar fikerençä, Quşma Ştatlarnıñ dönyaküläm mäs'älälärdä östenlekkä iä dip qabul itelüe säbäple Salqın Suğış çorı köndäşläre Qıtay belän Rusiäne xäzer ber-bersenä yaqınlaşa bara. Qıtay saqlanu ministrı Rusiägä räsmi säfären şimbä könne tämamlıy.

XS
SM
MD
LG