Aq Yort Meksika qultığı töbägenä zur zıyan kitergän Katrina ğarasatınnan soñ üzara ğäyep atu uyınına quşılmayaçağın, töp iğtibarnı qotqaru, tözätü eşlärenä biräçägen belderde.
Prezident Bush administratsiäse Katrina ğarasatına aqrın cawap birde dip tänqitlände.
Ämma Aq yort süzçese Scott McClellan äle xäl itäse problemalar bar, xökümätneñ cawabın centekläbräk tikşerü öçen waqıt soñraq bulır dide.
McClellan äytüençä, Bush bügen xökümät, kongress citäkçelege häm xäyriä oyışmaları wäkilläre belän oçraşıp könen yardäm, tözätü eşlärenä bağışlağan.
New Orleanstağı wäzğiät turında soñğı xäbärlär çığarılışınnan soñ täfsilleräk mäğlümät bulır.
