Accessibility links

шимбә, 10 декабрь 2016, Казан вакыты 09:52

Misır: Küp namzätlär qatnaşqan berençe prezident saylawları


Misırda çärşämbe könne küp kenä namzätlär qatnaşqan berençe prezident saylawları ütkärelä.10namzät yarışsa da , Hösni Möbäräkneñ 5.märtäbä 6yıllıq möddätkä saylanaçağına şik şäbxä yuq.Ütkändä 77 yäşlek Möbäräk xalıqnıñ äyye yäki yuq dip cawap birgän referendumda saylandı. Hösni Möbäräk bu saylawlarnı kiñräk demokratiägä taba möhim adım dip bäyäli.Opozitsiä törkemnäre isä tawış birü Möbäräkneñ xakimiäten kimitmiäçäk digän qaraşta.

Hösni Möbäräk berdänber namzät bulıp torğan eleke saylaw-referendumnarda 96% tarafınnan raslana ide . Bu märtäbä 9 namzät belän yarışqan Möbäräk andıy küp tawış alalmıyaçaq, ämma berençe turda saylana almaz digän şiklär yuq älbäättä .Yäğni yaña citäkçe iskese bulaçaq ,räsmi urınnardan alıp ğäräblärneñ yaratqan kafä, çäyxänälärgä qädär här cirdä elengän Möbäräkneñ räseme başqası belän almaştırılmayaçaq. Ämma şulay da 32 million Mısırlı saylawçı däwlät citäkçesen küp kenä namzätlär arasınnan saylap bula häm citäkçe qäbärgä qädär xakimiättä utırırğa tieş tügel digän täcribä kiçerä . Çirek ğasır il belän idarä itkän 77 yäşlek Möbäräkkä qarşı çıqqan namzätlärneñ berseneñ dä şansı yuq. Alarnıñ ikesen genä ciddi säyäsätçelär dip äytep bul.Berse küptänge Wafd partiäse citäkçese Numan Gumaa ikençese 8 ay elek kenä oyışqan Ghad partiäseneñ yäş citäkçese Aiman Nur.Qalğan 7se bötenläy belenmi diärlek , alarnıñ täsirle bülegenä birgän ängämädä bolarnı äytte Nur(audio)

Bezneñ partiäbez ireklek häm säyäsi reformalarğa çaqıra,ul başqalarınıñ ideaların qabul itä häm sivilizatsiälär arasında dialogqa ışana.Partiäbez yäşlär xakimiätenä ışana , citäkçelärebezneñ zur öleşe yäş. Bez programmabıznı Mısır xalqına täqdim ittek.Programmabız alarnıñ xıyal häm ambitsiälärenä bik yaqın dip uylim.

Ayman Nur SDZ birgän ängämäsendä Misır kebek zur ildä 3 atna ğına saylaw aldı kampniäse alıp barırğa röxsät itelde , bu namzätlärneñ ber şansı da yuq digän süz.Şulay da 19 köndä bez 25 cıyın oyıştırıp xalıqqa Möbäräkkä alternativa buluın kürsättek dip äytkän. H.Möbäräk fevral ayında ğına küp namzätlär qatnaşqan saylawlarğa röxsät itergä mäcbür buldı. Opozitsion törkeme Kifaya Möbäräkneñ 24 yıllıq rejimınnan 24yıl däwam itkän ğädättäntış xäldän tuyğan bik küp keşene uramğa çığardı.. Zur şähärlärdä här kön diärlek demonstratsiä, cıyınnarda 20%eşsezlek , yäşren xezmätlär, politsiäneñ xalıqnı äzerlekläwe, bürokratiä, mäğarif sistemasınıñ naçarlığı turında söylände. Uramdan yasalğan basım citmägän kebek Washingtondan da yañaular buldı. AQŞ yaqın könçığıştağı ışanıçlı partnörına yılsayın 40milliard dollar yardäm birep tora .Amerika yaqın könçığışnı demokratiäläşterü protesesında Mısırmı bik möhim il dip kürä .Basım astında qalğan Möbäräk konstitutsion reformalar ütkärä .Şulay itep älegäçä Parlament tarafınnan saylanıp referendumda raslanğan prezident ,xäzer küp namzätlär arasınnan xalıq tarafınnan saylana.. Ämma dini partiä citäkçeläre namzät bula almıy. Bu inde bügenge saylawlarğa möselman qardäşläre törkeme namzät kürsätä almadı digän süz.Bügenge saylawlarnı çit il küzätüçeläre qarap bara almıy .Misır anı eçkä eşlärenä tıqşıunu dip qarıy .Saylawlarnı yustitsiä ministırlığı xezmätkärläre häm jurnalistlar qarap bara . Xabärlärgä qarağanda tawış birü urınnarında qayber tärtipsezlek häm qanun bozular bulğalağan.Şulayuq Qaxirädä cıyılğan berniçä yöz keşe Möbäräkne çigenergä çaqırğan. Möbäräk düşämbedä (audio)

Tuğannnarım ullarım min bu sayulawlarğa sezneñ belän probelamalar, ambitsiä häm häwäflär belän bergä bulu öçen qatnaşam .Min bu saylwalarğa problemalar belän niçek eş itergä kiräklegen belgän öçen qatnaşam

färidä xämit
XS
SM
MD
LG