Accessibility links

дүшәмбе, 5 декабрь 2016, Казан вакыты 21:52

«Altın Menbär»dä tatar häm başqort filmnarı kürsätelde


Şul arada, möselman kino festivale däwam itä. 7nçe sentäberdä, festival’neñ 3nçe köne buldı. Anda kübesençä, İrannıñ dokumental häm näfis filmnarı kürsätelde. 3nçe könneñ axırında tamaşaçılar,Tadciqstan täqdim itkän, bağımsız bala turındağı näfis filmnı qaradı. Ä 6 sentäber kiçendä, festival’dä tatar häm başqort kino kiçäse buldı. Köndezge säğät 3tä kürsätelgän «Küktaw» näfis filmına tamaşaçılar küpläp kilde. «Mir» kinoteatrında urınnar bulmaw säbäple, İldar Yäğfärovnıñ äsären basıp qarawçılar da bulğan. Moña qädär, festival kinoları barğanda zallar buş bulğan.

«Küktaw» filmı, belgänegezçä, invalid-bala häm törmädän çıqqan yalğız keşe yazmışları turında söyli. Bu film, tatarstan kinematografiä komitetınıñ iñ zur ğorurlığı. Älege kino äsär, küptän tügel Soçida ütkän, «Kinotavr» festivalennän zur büläk alıp qaytqan ide. Häm «Küktäw», «Altın Menbär» festivaleneñ töp ciñüçese bulır, dip farazlıy belgeçlär.

«Küktaw» belän bergä, Başqortstannıñ «Sömbelneñ cidençe cäye» digän näfis film da täqdim itelde. Ul da tulı tamaşa zalında kürsätelde. Äsär 30nçe yıllılardağı Stalin zolımı turındağı söyli. Möselmannar häm islam dine turında süz barmıy anda, ämma äsärdäge waqiğalar, ğadi başqort awılı häm andağı keşelärneñ ruxi qimmätläre aşa kürsätelä. Äsär, tämaşaçılar tarafınnan cılı qabul itelde.

8 sentäberdä, tamaşaçılar, islam teması belän animatsiä, multfilmnar aşa tanışaçaq. Fesitval tağın 3 kön däwam itäçäk.

XS
SM
MD
LG