Mısırda bügen berençe märtäbä ütüçe prezident saylawlarında küp kenä saylawçılarnıñ tawış birü urınnarın taba almıy yörüläre, küzätüçelärneñ iminlek xezmätläre tarafınnan qıynaluı häm soraw alularğa tartıluı turında xäbär itelä.
Prezident Xösni Möbäräk moñarçı berdänber namzät bularaq referendum aşa ğına şul wazıyfağa yañadan saylanıp kilgän ide.
Bu yulı saylawlarda anıñ 9 köndäşe bar.
Bügen tawış birü barışında inde berniçä qanun bozu oçrağı buldı dip xäbär itelä.
77 yäşlek Möbäräk yañadan ber märtäbä 6 yılğa prezident bulıp saylanır dip kötelä.
Soñğı xäbärlär çığarılışınnan soñ Mısırdağı saylawlar turında täfsilleräk mäğlümät bulır.
