Accessibility links

җомга, 9 декабрь 2016, Казан вакыты 12:55

Omskinıñ tatar xäräkäte aktivistları xalıqnı Qazannıñ meñ yıllıq yubilee belän tanıştıralar


Omskinıñ tatar xäräkäte aktivistları cäyge yallardan soñ üzläreneñ berençe utırışların ütkärdelär. Älege utırışqa şähärneñ tatar cämäğätçelege dä çaqırılğan ide. Süz anda asılda Qazannıñ 1000 yıllıq yubilee xaqında bardı. Bäyrämdä qatnaşqan Omski delegatsiäse äğzaları cıyılğan xalıqqa Qazannıñ bügenge maturlığı, anda kürgän tamaşalar, bulğan oçraşular turında söylädelär, küñellärendä tuğan xisläre, fikerläre belän urtaqlaştılar.

Mäğlüm ki, ölkädän çaqırılğan 18 keşeneñ 14 – tatar oyışmaları aktivistları - bu bäyrämdä qatnaştılar, ä Galiev, Särvärov, Girfanov, Bikvavov kebek yuğarı wazıyfalı millättäşlärebez, törle säbäplär arqasında, Qazanğa barmadılar. Utırış barışında Omski delegatsiäseneñ räise Xäkim Sadıykov Qazan belän törle töbäklärdä yäşäwçe tatarlar arasındağı mönäsäbätlär turında söyläde. Anıñ süzlärençä, soñğı 5-10 yıl eçendä üzara mönäsäbätlärdä ällä ni üzgäreşlär sizelmi. Şulay da Qazannıñ çit töbäklär belän bäyläneşlärendä üseş alu protsessı äkren bulsa da üseş ala bara dip assızıqladı moxtariät räise. Ul “Tatarstannıñ eşlekle partnerları” oçraşuında buluı turında da söyläde. Xäkim äfände fikerençä, 5ел elek mädäniät, tatar ideyäse, eşmäkärlek, bazar, iqtisat niçek bulğan xäzer dä şul urında häm yaqın arada üzgäreşlär kötelmi.

Utırış barışında kön qadağı bulğan tağın ber soraw turında da äytep ütärgä kiräk. Moxtariät urnaşqan bina öçen uzğan yılnıñ oktäber ayınnan birle tülänmägän burıçlar xaqında buldı bu soraw. Härwaqıttağıça burıçlarnı tüläw buyınça törle täqdimnär buldı, fikerlär yañğıradı. Eşmäkärlärgä möräcäğät itü, tüläwle kiçälär ütkärü häm başqa törle çaralar qaraldı. Döres, täqdimnärneñ tormışqa aşuına ömet zurdan tügel, şulay da barsı da bu yünäleştä eşne köçäytergä kiräk digän fikerne alğa sördelär.

Rozaliä Sayganova, Omski.

XS
SM
MD
LG