Accessibility links

дүшәмбе, 5 декабрь 2016, Казан вакыты 15:30

Rusiä belän Germaniäne yaña gazütkärgeç totaştıraçaq


Rusiäneñ Gazprom şirkäte belän Germaniäneñ EON häm BASF şirkätläre Rusiä belän Germaniäne totaştıruçı 5 milliard dollarlıq gazütkärgeç tözü turında kileşü imzaladı. İmzalaw tantanası Berlinda Rusiä prezidentı Vladimir Putin belän Germaniä kanslerı Gerhard Şröder qatnaşında ütte. AUDİO: Bez şundıy zur proyektnı başlaw Yewropa Berlege belän Rusiä arasında energiä dialogına yaña köçle etärgeç birer dip ömetlänäbez. Häm älbättä bu Rusiä Germaniä energiä dialogına da faydağa bulaçaq. Yaña gazütkärge 2010 yılda safqa basarğa tieş. Anıñ ozınlığı 1200 çaqrımlap bulaçaq. Häm ul Baltıyq diñgeze buyındağı Vıborg şähäre belän Germaniäneñ Greifswald portın totaştıraçaq. Ütkärgeç aqçalarınıñ 51 protsentı Gazpromnıqı bulaçaq. Qalğan 49 protsentın Germaniäneñ ike şirkäte tigez itep büleşäçäk. İtar-Tass agentlığı äytüençä, Putin bu ayda Germaniädä ütäçäk federal' saylawlarda kansler Schroedernıñ köndäşe Angela Merkel belän dä oçraşaçaq. Bügen kiç Putin Gretsiägä ike könlek säfären dä başlıy.

XS
SM
MD
LG