Accessibility links

шимбә, 3 декабрь 2016, Казан вакыты 12:50

Rusiädä 68 genä xärbi kafedra bulaçaq


Rusiä saqlanu ministrlığı yuğarı uqu yortlarındağı xärbi äzerlek kafedralarınıñ nıq kimeteläçägen iğlan itte. Xärbi äzerlek kafedraları bulğan uqu yortları sanı 229dan 68-gä kimetelä. Mäğlüm bulğançaq, xärbi äzerlek kafedraları aşa ütkän studentlar xärbi xezmättän azat itelä. Bügen Soçida saqlanu ministrı Sergey İvanov xökümät xärbi äzerlek kafedraların barı tik iñ yaxşı uqu yortlarında ğına qaldırırğa teli dide. AUDİO: Bez mondıy zur xärbi äzerlek üzäkläreneñ däräcäle uqu yortlarında buluın telibez. Häm bez alarnıñ Mäskäw belän Peterburda ğına tügel, ä Rusiä buylap çağıştırmaça tigez taralğan buluın, şul isäptän Yıraq Könçığışta da, Seberdä dä häm Tönyaq Kafkazda da urnaşuın telibez. RİA novosti xäbär agentlığı belderüençä, Tatarstanda xärbi kafedralar barı Qazan däwlät texnologiä universitetında häm Qazan däwlät texnik universitetında ğına qalaçaq. Başqortstanda andıy kafedra bulmıyçaq.

XS
SM
MD
LG