Accessibility links

чәршәмбе, 7 декабрь 2016, Казан вакыты 13:27

Çayan jurnalı künekmäse, 72 tur: “Xämer - äzer qäber!”


Bez bügen sezne “Çayan” jurnallarında basılğan berniçä materiallar belän tanıştırırbız. İñ başta şunı äytep kitik : 9 meñgä yaqın tiraj belän, ayğa ike tapqır, tatar häm rus tellärendä Tatarstanda çığa torğan “Çayan” dip atalğan satira häm yumor jurnalı bar. Bu jurnalnıñ ştattan tış xäbärçese Rinat Miftaxovqa “Çayan” jurnalı ul nindi jurnal digän soraw birdek. Ul menä närsälär dide. Audio

Ä xäzer bez jurnalnıñ 16 sanına küz salıyq äle. Jurnalnı Tatarstan prezidentı Mintimer Şäymiev tä uqi ikän. Monıñ turında jurnalnıñ ikençe bitennän belep bula. Anda “Çayan uramında bäyräm” säxifäsendä şatlıqlı tarixi waqiğa bula; ul da bulsa, jurnalnıñ rässam-karikaturistı Vyaçeslav Bibişevnıñ Gabrovo Xalıqara bäygesendä Gran-pri- “Altın Ezop” statuetkası belän büläklänüe ikän. Anı qüätläp, Tatarstan Prezidentı Mintimer Şäymievtan redaksiägä täbrikläw xatı kilep töşkän. Häm ul täbrik xatına bolay, dip qul quyğan: “Sezneñ daimi uquçığız, şunnan şiksez fayda tabuçı Mintimer Şäymiev” .

Ä xäzer Çayannıñ 12 sanına küz salsaq , anda Çayan künekmäse dip atalğan yarış bara ikän. Anda Yuri Belyayçevnıñ ber fotosı bastırılğan. Häm bu Çayan künekmäse yarışınıñ 72 turı “Xämer –äzer qäber!...”dip atalğan. Jurnalda Rusiäneñ bik küp töbäklärennän bu yarışta qatnaşqan jurnal uquçıları fikerlärennän ber cıyılma birelgän. Şulay uq kölärgä şayarırğa yaratqannarğa qızıq şiğerlär, mäzäklär dä bik küp menä şundıy satira- yumorlı “Çayan” jurnalında.

Mälikä Basıyr, Qazan.

XS
SM
MD
LG