Accessibility links

сишәмбе, 6 декабрь 2016, Казан вакыты 03:49

Mäskäw yärmikäsendä tatar kitapları


Bu könnärdä Mäskäwdä Bötenrusiä kürgäzmälär üzägendä xalıqara kitap yärminkäse eşli. Anda här näşriät üzeneñ kitabın başqalarğa täqdim itä, törle kileşülär tözi, yazuçılar kitapların täqdim itep, tügäräk östäl eşlärendä qatnaşa. Tatarstannan bu kürgäzmädä ber genä “İdel press” näşriäte genä qatnaşsa da, tatar kitapları häm Tatarstan näşriätläre telgä alınğan tügäräk östäl dä ütte. Şularnıñ berniçäsendä bügenge köndä Londonda yäşäp icat itüçe yazuçı Rawil Boxaraev ta qatnaştı. Rawil Boxaraev başlıça “Mäğärif” näşriätendä basılğan kitaplarğa tuqtaldı. Ul kütärgän mäsälä, tatar kitaplarınıñ başqa töbäklärgä taralu, satu mäsäläse ide.(audio) Kitap yärminkäsendä Tolrantnost' institutı häm çit il telläre kitapxanäse “Terrorğa qarşı kitap” dip atalğan tügäräk östäl ütkärde. Yazuçı Rawil Buxaraev ul tügäräk östäl eşendä dä qatnaşıp, çığış yasadı. Ul terrorğa qarşı iñ yaxşı kitap dip “Qoräni kärimne” atadı. Xäzerge waqıtta barlıq naçarlıq nadanlıqtan kilä. Qoräni kärimne uqımağan keşelär Kitap isemennän söylilär dide. Añlarğa teläwçelär öçen Qoräni kärimne rus telenä tärcemä ittek. Ul bıyıl basılıp çığarğa tieş dide Rawil Boxaraev. (audio). İnde süz Qoräni Kärimgä dä qağılğan ikän, şunı da äytem ütäsem kilä. Kitap yärminkäsendä Söged ğäräbstanı kitapları zur ğına urın alıp tora. Alarnıñ kitap kiştäläre yanında başta ğäräp annarı rus telendä Qor'äni Kärim süräläre yañğırıy.Tağın ber qızıqlı oçraşu turında da äytep ütäsem kilä, anısı qazax yazuçı Olcas Söläymanovnıñ 30 yıl tıyulardan soñ Mäskäwdä näşer itelgän Az i yä kitabın täqdim itü.dä buldı kitap yärminkäsendä. 30 yıl elek Qazaqstanda çıqqan ul kitap berençe könnärdän ük SSSRda qara isemlekkä kertelgän ide. Çönki Olcas Söleymanov ul kitabında 12 ğasırda yazılğan “Slovo o polq\ku İgorove” äsären törki tellärne yaxşı belgän avtor yazğan, törki süzlär bu äsärdä küpçelek, tärcemäçelär iske teldän yañaça rus telenä döres tärcemä yasamağannar digän fikeren beldergän ide. Bu fiker küp törle bäxäslär tudırıp, kitapnı ğomumän tıydılar ul waqıtta. Xäzer inde “Grifon” näşriäte basıp çığarğan Aziä kitabı Mäskäwneñ kitap yärminkäsendä yañadan tägdim itelde. Bu oçraşunı alıp baruçı näşriät xezmätçese küräseñ kitapnı uqıp çıqmağan bulğandır, kitapnı törki xalıqlar turında dip täqdim itte. Läkin Olcas Söläymanov anı bülep, törki xalıqlar turında tügel, slavyan häm törkilärneñ bäyläneşe. Ul zamannardağı iketellelek turında dip östäde häm nihayät, 15 yıl bäysezlektän soñ Mäskäwgä dä süz ireklege kilde dip äytergä bula. Nixayät “Az i yä” kitabı Mäskäwdä basılıp çıqtı häm satıla da dide Olcas Söläymanov.

Sez Mäskäwdäge xalıqara kitap yärminkäsendä ütkärelgän qayber çaralar xaqında mäğlümlät tıñladığız. Yazmanı “Azatlıq” radiosı öçen Näzifä Kärimova äzerläde.

XS
SM
MD
LG