Accessibility links

якшәмбе, 4 декабрь 2016, Казан вакыты 13:12

Canlı Tatar Muzıkası Festivale Qazanğa kilä


Zälfiä Kamalova üzeneñ Yewropa buylap icadi säfären bıyıl näq Qazanda başlıy. Kamal teatrı säxnäsendä Canlı tatar muzıkası festivale ütäçäk. Ägär xäterläsägez 2004 yılnıñ may ayında Dänis Bädretdin inisiativası belän Helsinkidä tatar muzıkasınıñ zamança janrına bağışlanğan festival oyıştırıldı . Qazan , Qırım häm Australiädän kilgän cırçı,sänğätkärlär berençe märtäbä Finländiä başqalasında oçraştı.Bıyıl festivalne oyıştırunı üz östenä Tatarstan Däwlät Filarmoniäse aldı .Filarmoniä citäkçese Qadim Nurullin bu xaqta redaksiäbez xezmätkäre Färidä Xämikä söyläde...Australiädäge tatar cırçısı Zuliä isä Qazannan soñ Mäskäwgä, annan Yevropağa-Germaniä,Şwitsariä häm Avstriägä yul totaçaq.Yevropada berençe çığışı Germaniäneñ Dresden şähärendä 2 üktäberdä,sonğısı 11 üktäberdä Avstriä başqalası Venada bulır dip kötelä.Tulıraq mäğlümätne sez internetta Zulya Kamalova säxifäsendä taba alasız. Xörmätle tıñlawçılar, süz başında uq canlı tatar muzıkası festivalen ğämälgä quyğan Finländiädä yäşäwçe millättäşebez D.Bädretdingä küp räxmät. Törle janrda cırlawçı ,uynawçı tatar sänğätkärlären ber araga kiterep , citmäsä anı çit il xalqına işetterü ber dä ciñel eş bulmağandır. Älbättä şunnan soñ könbatış mätbuğatında tatar muzıkası , başqaruçıları turında çıqqan mäqalälär qıyınlıqlarnı onıtttırğandır. Ämma in möhime Dänis başlatqan eşneñ ähämiäten añlağan Tatarstan Däwlät Filarmoniäseneñ bıyıl bu eşne üz östenä aluı alğa taba ömed tudıra. Bälkim dä bu matur traditsiägä äylänep kitär . Canlı tatar muzıkası festivale bıyıl 29 sintäberdä Qazanda Kamal teatrında ütäçäk häm böten eşne Tatarstan Däwlät Filarmoniäseneñ citäkçese Qadim Nurullin üz qulına alğan , bik tırış yeget böten mäğlümät anda dip äyttte Dänis Bädretdin. Şulay bulğaç bez Qadim äfändegä şaltıratıp berençe qul mäğlümät aldıq (audio) Qadim Nurulllin belän ängämäne 10 sintäber tapşıruında işetä alasız färidä xämit

XS
SM
MD
LG