Accessibility links

дүшәмбе, 5 декабрь 2016, Казан вакыты 03:37

Jacques Chirac xastaxanädän çıqtı


Fransiä prezidentı Jacques Chirac küzenä tä'sir itkän qan tamırı problemasın däwalağannan soñ bügen xastaxanädän çıqtı. Xastaxanägä uzğan comğada kilgän 72 yäşlek Chiracka tabiplar yaqın arada oçqıçqa utırmasqa quştırlar. Chirac kiläse atnada ütäçäk BMO Ğömümi cıyınında qatnaşu öçen New Yorkka barudan baş tartırğa tieş bulaçaq. Moñarçı Chirac 2007 yılda ütäçäk prezident saylawlarında namzät bularaq qatnaşu-qatnaşmawı turında berni dä äytmäde. Xalıq arasında anıñ däräcäse xäzer tübän. May ayında referendumda saylawçılarnıñ Yewropa Berlege konstitutsiäsen kire qağuı Chirac öçen zur ciñelü buldı.

XS
SM
MD
LG