Accessibility links

сишәмбе, 6 декабрь 2016, Казан вакыты 04:00

Äfğänstanda Äxmät Şah Masudnıñ ülemenä 4 yıl tulu iskä alındı


Äfğän prezidentı Xämit Qarzai Talibanğa qarşı köçlär citäkçese Äxmät Şah Masudnıñ üterelüenä 4 yıl tulunı iskä alu çığışında ilneñ sanap betergesez qorbannarı turında söyläde. 11 sintäberdä Quşma Ştatlarğa yasalğan terror höcümnärenä 2 kön qala Masudnı äl-Qaidä intixarçıları dip şiklänelgän şartlatuçılar üterde. Masud köçläre 1980 yıllarda Sovet köçlären Äfğänstannan kitärgä mäcbür itte, soñraq, 4 yıl elek New York belän Waşingtonğa terror höcümnärennän soñ AQŞqa Äfğänstandağı Taliban xakimiäten bärep töşerergä bulıştı. Qabul stadionında çığış yasap Karzai böyek ciñü buşqa birelmäde dide.

AUDİO: Bu böyek ciñü buşqa ğına birelmäde. İreklek, milli üzañnı häm ilneñ danın saqlap suğışta ilneñ meñnärçä ulı tormışların birde.

Karzainıñ häm başqa citäkçelärneñ çäçäk saluın qararğı meñnärçä keşe cıyıldı. Elek Taliban keşelärne xalıq aldında cäzalap üterü öçen faydalanğan stadionda çığışı belän taciq Masudnıñ zur süräte elende.

XS
SM
MD
LG