Accessibility links

шимбә, 10 декабрь 2016, Казан вакыты 10:02

Meñ yıllıq Qazanğa säyäxätkä kittelär


Üzeneñ 1000 yıllıq tarixi yübileyın şawlap-görläp yaña ğına bäyräm itkän nurlı-moñlı Qazan şähäre xäzer küplärne üzenä tartıp tora. Yübiley tantanalarına bara almağan keşelär soñınnan bulsa da, iskitkeç maturlanğan, tözeklängän ruxi märkäzne, bar tatarnıñ başqalasın üz küzläre belän kürergä teli. Comğa könne Ufadan tağın ber zur ğına törkem wäkillek Qazanğa qarap yul aldı. 55 keşe kergän bu törkem Tatarstan başqalasına ike qatlı zur autobusta quzğaldı. Säfärçelär arasında törle yäştäge häm törle hönär iäläre bulğan keşelär bar. Yulğa çığuçılarnıñ küpçelege – tatarlar häm başqortlar. Yul östendä älege wäkillek Çallı şähärenä dä kerä häm andağı Cämiğ mäçetendä bula, andağı millättäşlärebez belän oçraşu ütkärä. Bu säfärne Ufadağı «İxlas» mäçete imam-xatibı Möxämmät xäzrät Ğalläm belän «Märxämät» xäyriäçelek berlege oyıştırdı. Qazanda öç kön bulu däwamında Başqortstan wäkilläre andağı istälekle häm tarixi urınnarğa baraçaq, yaña tözeleşlärne qarap yöriäçäk. Älbättä inde, iñ şatlıqlı waqıyğa bulıp Qol Şärif mäçeten kürü, anda kerep doğa qılu torır, möğayın. Ufadağı «İxlas» mäçete imam-xatibı Möxämmät xäzrät Ğalläm äytüençä, meñ yıllıq Qazanğa mondıy säfärlärne Ramazan ayı başlanğançı, tağın ike tapqır oyıştıru küzdä totıla. Mäğlüm buluınça, Ramazan ayı bıyıl 5 üktäberdä başlana.

XS
SM
MD
LG