Accessibility links

Кайнар хәбәр

Sibayda tatar dramaturgınıñ premyerası buldı


Başqortstannıñ Sibay şähärendäge Arslan Möbäräkov isemendäge Başqort däwlät drama teatrı bu atnada bıyılğı icat mizgelen başlap cibärde. Danlıqlı icat kollektivı tamaşaçılarğa tanılğan tatar dramaturgı Danil Salixovnıñ «Qapçıqtağı Mäğfiä» isemle äsäre nigezendä säxnäläşterelgän spektäklne täqdim itte. Premyerä ike kön rättän bardı häm ike könne dä tamaşa zalı şığrım tulı buldı. «Sibay şähäreneñ 50 yıllıq yübileyenä bağışlap açılğan icat mizgelen tatar dramaturgı äsäre belän başlap cibärü başqort drama teatrı öçen üze dä simwoik mäğnägä iä», – dip belderde teatrnıñ baş rejisserı Damir Ğälimov. Spektäklneñ premyeräsına pyesanıñ autorı, dramaturg Danil Salixov ta, yıraq aralarnı yaqın itep, Qazannan Sibayğa kilep citte. Başqortstannıñ Sibay şähärendäge Başqort däwlät drama teatrındağı yaña premeräsı belän Qazan autorı Danil Salixov üzeneñ icatın tağın da kiñräk dairä tamaşaçılarğa täqdim itte. Uzğan icat mizgelendä anıñ Ufa «Nur» tatar däwlät drama teatrında häm Tuymazı Tatar däwlät drama teatrında da yaña premyeraları kürsätelgän ide. Sänğät söyüçelär küñelenä bigräk tä anıñ «Xatın tügel, acdaha» spektakle xuş kilde. Yaña icat mizgelendä Danil Salixov Başqortstannıñ Stärletamaq Başqort däwlät drama teatrında da ber äsäre säxnägä quyılaçağın äytte.

Fänis Fätxi, Ufa
XS
SM
MD
LG