Xökümät dairäsendä korrupsiä cancalı häm üzara ğäyepläwlär sürätendä prezident Viktor Yuçenko tarafınnan urınınnan alınğan elekke premier Yuliä Timoşenko comğa kiçendä televideniedä çığış yasap kiläse parlament saylawlarında Yuçenkoğa qarşı bulaçağın belderde:
"Bez Viktor Andreeviç belän saylawlarğa paralel räweştä baraçaqbız. Bu suğış digän süz tügel, läkin bu ikese ike komanda, anda törle keşelär."
Yuçenkonıñ üzenä qatı bärelmäsä dä, Timoşenko anıñ tiräsendäge keşelärgä kisken tänqit beldere. Konstitutsiägä üzgäreşlär kertelgännän soñ, kiläse xökümät citäkçesen prezident tügel, parlament sayalayaçaq. Näticädä premier-ministr wazifası qüätleräk bulaçaq. Qayber belgeçlär fikerençä, 2006 yıl Martında ütäçäk saylawlardan soñ Timoşenko qabat premier-ministr urının alırğa mömkin. Yuçenko salmağraq qaraşta bulsa, Timoşenko – radikal üzgäreşlär tarafdarı sanala. Kievtağı Mohyla Akademiäse professorı İgor Losev süzlärençä, uzğan yıl inqilabnı xuplağan keşelär Timoşenkonı saylarğa mömkin:
"Alarğa Maydan ruxında däwam itkän inqilapçı-citäkçe kiräk. Kiçä Timoşenko alarnıñ şundıy citäkçesenä äylände."
Yaña xökümätneñ eşe naçar barsa, keşelärneñ xäle yaxşırmasa, Timoşenkonıñ ciñü ixtimalı artaçaq, di Losev. Ä menä Razmukov üzägeneñ sotsiologiä bülege başlığı Andri Byçenko anıñ belän kileşmi:
"Aprildän başlap Timoşenkonıñ xalıqta abruyı töşä. Aprildä anı 47% xuplasa, Awgustta ni barı 31%. Yartı yıl eçendä ul 20% yuğalttı."
Andri Byçenko süzlärençä, monıñ säbäbe –tormış däräcäseneñ tübän buluı. Äflisun inqilabınnan soñ tormışım yaxşırdı dip, xalıqnıñ ni barı 20% äytkän. Östäwenä Timoşenko saylaw aldı kompaniäsen artıq irtä başladı, di Byçenko, Mart ayına qädär äle şaqtıy wa
qıt bar. Anıñ süzlärençä, küplär Timoşenkonı barıp çıqmağan reformalar belän bäyli. Ägär Yuçenkonıñ yaña xökümäte eşen uñışlı oyıştıra alsa, Timoşenkonıñ şansları azraq bulaçaq.
Yuçenko üze älegä Timoşenko belderüenä ber cawap ta birmäde. Premier-ministr wazifaların başqaruşı Yuri Yexanurov äflisun inqilabı xıyalların tormışqa aşırırğa, xalıqnıñ tormış däräcäsen kütärergä wäğdä itte.
-Ali Gilmi
"Bez Viktor Andreeviç belän saylawlarğa paralel räweştä baraçaqbız. Bu suğış digän süz tügel, läkin bu ikese ike komanda, anda törle keşelär."
Yuçenkonıñ üzenä qatı bärelmäsä dä, Timoşenko anıñ tiräsendäge keşelärgä kisken tänqit beldere. Konstitutsiägä üzgäreşlär kertelgännän soñ, kiläse xökümät citäkçesen prezident tügel, parlament sayalayaçaq. Näticädä premier-ministr wazifası qüätleräk bulaçaq. Qayber belgeçlär fikerençä, 2006 yıl Martında ütäçäk saylawlardan soñ Timoşenko qabat premier-ministr urının alırğa mömkin. Yuçenko salmağraq qaraşta bulsa, Timoşenko – radikal üzgäreşlär tarafdarı sanala. Kievtağı Mohyla Akademiäse professorı İgor Losev süzlärençä, uzğan yıl inqilabnı xuplağan keşelär Timoşenkonı saylarğa mömkin:
"Alarğa Maydan ruxında däwam itkän inqilapçı-citäkçe kiräk. Kiçä Timoşenko alarnıñ şundıy citäkçesenä äylände."
Yaña xökümätneñ eşe naçar barsa, keşelärneñ xäle yaxşırmasa, Timoşenkonıñ ciñü ixtimalı artaçaq, di Losev. Ä menä Razmukov üzägeneñ sotsiologiä bülege başlığı Andri Byçenko anıñ belän kileşmi:
"Aprildän başlap Timoşenkonıñ xalıqta abruyı töşä. Aprildä anı 47% xuplasa, Awgustta ni barı 31%. Yartı yıl eçendä ul 20% yuğalttı."
Andri Byçenko süzlärençä, monıñ säbäbe –tormış däräcäseneñ tübän buluı. Äflisun inqilabınnan soñ tormışım yaxşırdı dip, xalıqnıñ ni barı 20% äytkän. Östäwenä Timoşenko saylaw aldı kompaniäsen artıq irtä başladı, di Byçenko, Mart ayına qädär äle şaqtıy wa
qıt bar. Anıñ süzlärençä, küplär Timoşenkonı barıp çıqmağan reformalar belän bäyli. Ägär Yuçenkonıñ yaña xökümäte eşen uñışlı oyıştıra alsa, Timoşenkonıñ şansları azraq bulaçaq.
Yuçenko üze älegä Timoşenko belderüenä ber cawap ta birmäde. Premier-ministr wazifaların başqaruşı Yuri Yexanurov äflisun inqilabı xıyalların tormışqa aşırırğa, xalıqnıñ tormış däräcäsen kütärergä wäğdä itte.
-Ali Gilmi