Accessibility links

чәршәмбе, 7 декабрь 2016, Казан вакыты 00:50

Yaponiädä premier Koizumi partiäse ciñde


Tokio -- Yaponiädän kilgän berençe xäbärlärgä qarağanda, parlament saylawlarında premier-ministr Junichiro Koizumi citäklägän Liberal-demokratlar partiäse ciñü yawlağan. Oppozitsiädäge Dekokratlar partiäse citäkçese Katsuya Okada ciñelüen tanıdı. Exit-poll näticälärenä qarağanda xakimiättäge partiä parlamenntağı 480 urınnıñ 300en alırğa mömkin. Koizumi bu saylawlarnı, parlament, anıñ poçta sistemasın xosusıylaştıru planın kire qaqqannan soñ iğlan itkän ide. Bu saylawlarnı ul iqtisadi reforma programmasına referendum dip atadı. Koizumi fikerençä, Yaponiä poçtasınıñ 3 milliard dollar külämendä milken xosusıy qullarğa tapşıru iqtisadqa etärgeç bulaçaq. Tänqitçelär isä bu adım xezmät kürsätüneñ kimüenä häm eş urınnarınıñ qısqartıluına kiteräçäk dip kisätä. Liberal-demokratlar partiäse Yaponiädä inde 50 yıl çaması idarä itä. Ciñü xäbärenä qaramastan, Koizumi sintäberdä möddäte tulğannan soñ, partiä citäkçese urınınnan kitergä cıyına. Saylawlarnıñ räsmi näticäläre düşämbe irtäsenä kötelä.

XS
SM
MD
LG