Accessibility links

пәнҗешәмбе, 8 декабрь 2016, Казан вакыты 23:16

Tömän ölkäseneñ töbäkne öyränü muzeyenıñ dusları barlıqqa kilde


Tömän ölkäseneñ kraynı öyränü muzeyenä 7 sentäbr könne ber törkem tatar cämägätçelege wäkilläre kilde. Alar yül ayında muzeyda açılğan “Buınnarnıñ çuar çeltäre aşa” dip atalğan tatarlarğa bağışlanğan kürgäzmäne qaradılar. Annan soñ muzey citkäçelege belän tügäräk östäl yanında söyläşü uzdı. Muzeynıñ dusları klubın oyıştırırğa kiräk digän täqdim xuplandı. Muzey xezmätkäre Nasiä Urazova äytüençä, “muzey dusları” eksponatlar belän dä, restavratsiä öçen finans yärdäme belän dä muzeyğa yärdäm itergä teläk belderüçelär oyışması bulaçaq. Çönki, Nasiä Urazowa äytüenä qarağanda, ber eksponatnı Mäskäwgä cibärep restavratsiäläw öçen kimendä 150 meñläp aqça kiräk.

Muzey mödire Daniä İslamova bu söyläşüdä qatnaşıp: “Ägär dä bez çınnan da “Muzey dusları klubı”n oyıştıra qalsaq, daimi oçraşıp toru öçen bülmä dä, waqıt ta taba alabız”,- dide. Tatar cämägätçelege wäkilläre bu oçraşuğa buş qul belän kilmägän idelär. Rusiäneñ Aziä öleşe möselmannarınıñ Tömän ölkäsendäge wäkile Fatix xäzrät Ğärifullin altınlanğan tışlı Qor'än büläk itte. Cirle şağir Zaxit Aqbüläqov üzeneñ muzey xezmätkärlärenä bağışlanğan şiğeren uqıdı. Tatar cämägätçelege belän bulğan bu oçraşudan soñ klubnıñ dokumentları äzerlänä başladı. Tatarlar ürnägendä tağın berniçä tarmaq açarğa buldılar. Tömän ölkäseneñ töbäkne öyränü muzeye bankirlar, häm törle millät wäkilläre belän nıqlap duslaşırğa uylıy.

Nail Alan, Tömän

XS
SM
MD
LG