Accessibility links

пәнҗешәмбе, 8 декабрь 2016, Казан вакыты 11:00

Äfğanstanda 28 nämzät saylawlardan töşep qalaçaq


Äfğanstannıñ saylaw däğwaları komissiäse yäkşämbe ütäçäk saylawlardan tağın 28 nämzätne töşerep qaldırdı. Barlığı tawış birüdä 45 nämzät qatnaşa almayaçaq. Xoquq oyışmaları bu mäsälädä borçılu belderä. Äfğanstan häm BMO räsmiläre qaramağındağı berläşterelgän saylawlar idäräse başlığı Peter Erben, ilneñ qayber töbäklärenä äle dä ğäskärlär kilep citmägän, dip belderde. Parlament saylawları Äfğanstanda aldağı yäkşämbe könne ütäçäk. Ğäskärlär tawış birü urınnarında iminlekne tämin iter öçen kiterelä. Tönyaqkönçığıştağı Nuristan provinsiäse, xökümät köçläre kilep citmäsä saylawlarnı uzdırmayaçağın xäbär itkän. Taliban yäkşämbe ütäçäk parlament häm provinsiä şuralarına saylawlarğa qomaçawlıq itäçägen xäbär itte.

XS
SM
MD
LG