Livannıñ elekke premyer-ministrı Rafik al-Haririnı üterüne tikşerü qısalarında Berläşkän Millätlär Oyışması komissiäse başlığı Detlev Mehlis bügen Süriä tışqı eşlär ministrlığın xoquq kiñäşçese Riad al-Doudi belän oçraşqan.
14 fivraldä Haririnıñ häm tağın 20 keşeneñ ülemenä kitergän şartlawnı tikşerü barışında zur alğa kiteş bar, dip xäbär itelä. Livan Süriä yaqlı 4 generalğa höcümne oyıştıruda ğäyepläw belderde.
Beiruttağı räsmilär, Mehlis Dämäşktä Süriäneñ iminlek wäkilläre, şulay uq Livannıñ yuğarı wäkilläre belän oçraşular oyıştaraçaq, dip xäbär itte. Süriä tikşerügä qatnaşırğa rizalığın beldergän.