Accessibility links

якшәмбе, 4 декабрь 2016, Казан вакыты 06:54

Xikmät etlärdä tügel


Cämäğätçelekneñ iğtibarın bu könnärdä ber waqiğa cälep itte. Qazan uramında ber xatın-qıznı uram etläre talap ütergän, digän xäbär taraldı. Soñınnan gäzitlärdä bu xaqta tulıraq mäğlümat kürenä başladı. Mäsälän, ber şähär gäzite yazğança, etlär teşlägän xatın qız, xämer qullana torğan, suqbay qıyafätle, ber qaya da eşlämi torğan keşe bulğan . Şul uq gäzit ikençe talanğan keşe turında da xäbär itä. Ämma cinayät eşe quzğatılmayaçaq ikän. Çönki, etlärne cawaplılıqqa tartıp bulmıy,dip yazdı gäzit. Tapşırularıbıznıñ bersendä qarawçısız etlärne totu urının, alarnı yuu, maxsus operatsiälär yasaw urınnı eşli başlawın turında söylägän idek. Mirnıy bistäsendä eşläwçe şuşı etlär totu urını, eşläp citkermi küräseñ, uram etläreneñ sanı kimemi. “Azatlıq” xäbärçese soraştıru ütkärde.

Qazan studentları uramda xucasız etlärne yış kürälär ikän, ämma alarnıñ üzlären xäzergä etlär talamağan. Şuña kürä rus telendä çığuçı şähär gäcitendä yazılğan xäbär alarnı qızıqsındırdı. Ber yulı ike keşene etlär talap üterügä alar aşta bik tiz ışandılar.

“Bu bit aç-yalanğıçtan tügel. Xucasız etlär uramda yöri, inde däwlätneñ alarnı aşatırğa mömkinlege yuq ikän, etlärne yomşaq itep kenä tege dönyağa ozatıp bula. Uramda aç yörgäç, nişläsen inde alar, keşe aşamıyça”.

“Uzğan yıl Teläçe rayonında şundıy xäl buldı. Ber yeget belän qız avtobus kötep torğanda yegetne etlär talap, aşap beterä. Häm monı qarap torğan qıznıñ berniçä minut eçendä böten çäçe ağara. Qız isän qala, çönki yeget qıznı avtobus tuqtalışınıñ tübäsenä kütärep ölgerä. Bälki bu da näq şundıy qotırğan etlärder”.

Gölnara isemle student qız kiläçäktä jurnalist bulırğa cıyına, ul xucasız etlärdän bigräk höcümgä duçar itelgän iserek häm suqbay keşelärneñ yäşäw räweşenä dä bäyä birde. Çınnan da normal'' yäşägän ğädäti keşelärgä etlär höcüm itmägän. Qayberäwlär qızğanıçqa qarşı, üz teläkläre belän etlär tormışına yaqınaya. Gölnaranıñ bu xälgä añlatması da üzençä.

“Miña qalsa, etlärdä xikmät tügel, çönki Qazannıñ meñellığı yaxşı ütügä könläşüçelär bar. Mäsälän, “Komsomol''skaya pravda” inde ber tapqır Тatarstan Rusiädän ayırılıp çığı dip yazıp çıqqan ide. Minemçä, xikmät şunda: waq qına äyberne küpertep kürsätälär”

Kürüebezçä, etlär häm alarnıñ qorbannarı turında mäqälälär sensatsiä bularaq qabul itelmäde. Ämma barıber problema bar dip sanıy yäşi.

Gölnaz Şäyxetdinova

XS
SM
MD
LG