Ulyan ölkäse Mäläkäs şähärendä törmä xezmätkärläreneñ köç qullanuına qarşılıq yözennän 180gä yaqın totqın açlıq iğlan itte. 15 keşe yäkşämbe könne aşawdan tuqtağan. Qalğannarı aksiägä kiçä häm bügen quşılğan. Ölkä prokurorı yärdämçese Vasily Zima, räsmilär köç qullanu ixtimalın tikşerä, dip xäbär itte. Zima süzlärenä qarağanda totqınnar, seksual azçılıqlarnı aşatu waqıtın ayıru, bädräflärne çistartmaw, berär keşelek kameralarda utıruçılarğa da çäy häm tämäke birüne täläp itä. Bolar barısı da törmä qanunnarına qarşı kilä, dide Zima.
Rusiä törmäläre tulğan häm şartları qırıs. Uzğan yılnıñ yün ayında ilneñ könyaqkönbatışındağı Kurski ölkäsendä törmädä köç qullanuğa protest itep totqınnar üz üzlären cäberlägän ide.
