8 sentäbr – leningradlılar öçen istälekle kön. 1941 yılnıñ 8 sentäbrendä şähärne doşman bocrası qamap ala. Bu - tarixta tiñdäşe bulmağan 900 kön häm 900 tön däwam itkän blokadınıñ başı bula. Şuşı xäter köne uñayınnan “Awrora” kreyserında küptän tügel dönya kürgän “Татары на службе отечеству. Страницы истории военно-морского флота России” digän kitapnı täqdim itü buldı.
Tarixi watanıbız Tatarstan häm millättäşlärebezneñ küpçelege kön kürgän cirlär diñgezdän yıraq bulsa da, Rusiä flotı, ayıruça xärbi-diñgez flotı tarixında tatarlar şaqtıy zur rol uynağan. Alay ğına da tügel, Rusiä flotınıñ tözelä başlawı uq İdel belän bäyle. Qazan, Yäşel Üzän - Rusiäneñ diñgezgä çığuın täemin itüçe berençelär rätendä. Tatarlar - Rusiä flotına 15läp admiral birgän xalıq. Yuğarı, urta ofitserlar häm matroslar turında äytep tä torası yuq. Ämma bu mäğlümätlär älegä qädär uquçılarğa bilgele tügel ide. Kitap autorları - Tatarstan respublikınıñ Peterburgtağı daimi wäkile, xärbi fännär kandidatı Şamil Äxmätşin häm wäkillekneñ baş xezmätkäre, elekkege xärbi diñgezçe, ikençe rang käpitänı Şamil Naserov - bu mäğlümätlärne tuplap, berençe tapqır uquçılar iğtibarına täqdim itälär.
Prezident Mintimer Şäymiev häm Rusiä xärbi-diñgez flotı başlığı Kuroedovnıñ kereş süzennän soñ kitap Bolğar ile häm Qazan xanlığında karablar tözü tarixı belän başlana. ”Biş balta” karab tözüçeläre, Qazan admiralteystvosı tözelü häm anıñ eşçänlege, xalqıbıznıñ urman belän bäyle cırları ni öçen sağışlı - kitapta bu häm başqa bixisäp qızıqlı materiallar tuplanğan.
Kitap avtorlarınıñ bersen - Şamil äfände Naserovnıñ üzen dä tıñlap qarıyq: (audio)
Kitapnıñ XIX-XX ğasırda flotta xezmät itkän millättäşlärebez turındağı bitläre dä bik qızıqlı. Häm inde bügenge köndä Kronştadta torğan “Qazan”, “Kazanes” karabları tarixı, anda xezmät itüçe Tatarstan yegetläre, şeflıq elemtäläre turındağı bülek tä iğtibarnı cälep itä.
Kitapnıñ räsmi avtorları ikäw bulsa da, bulışlıq itkännäre sanap betergesez. Şamil Äxmätşin üze dä kitapnı äzerläwdä bulışqannarnı autordaş dip sanıy: (audio)
Täqdim itü çarasında kitapnıñ geroyları, alar arasında kontr-admiral Yüriy Xaliullin, Tönyäk diñgez yulı ekspeditsiäsendä qatnaşqan su astı köymäse komandirı, legendar İzmail Zäydullinnıñ ulı, üze dä diñgez ofitserı, xärbi Akädemiä professorı Camal Zäydullin häm başqalar bar ide. Ä inde Naximov uçilişçesı kursantı üsmer yeget Marselneñ dä kiçädä qatnaşuı tatarlar flotta üz urının yuğaltmas digän ömet uyata. Kitap avtorları Şamil Äxmätşin häm Şamil Naserov, şuña ömet itepter inde, yegetkä “Bulaçaq admiral Marselgä” dip yazıp kitap büläk ittelär.
Gölzadä Kamalova, Sankt-Peterburg
Tarixi watanıbız Tatarstan häm millättäşlärebezneñ küpçelege kön kürgän cirlär diñgezdän yıraq bulsa da, Rusiä flotı, ayıruça xärbi-diñgez flotı tarixında tatarlar şaqtıy zur rol uynağan. Alay ğına da tügel, Rusiä flotınıñ tözelä başlawı uq İdel belän bäyle. Qazan, Yäşel Üzän - Rusiäneñ diñgezgä çığuın täemin itüçe berençelär rätendä. Tatarlar - Rusiä flotına 15läp admiral birgän xalıq. Yuğarı, urta ofitserlar häm matroslar turında äytep tä torası yuq. Ämma bu mäğlümätlär älegä qädär uquçılarğa bilgele tügel ide. Kitap autorları - Tatarstan respublikınıñ Peterburgtağı daimi wäkile, xärbi fännär kandidatı Şamil Äxmätşin häm wäkillekneñ baş xezmätkäre, elekkege xärbi diñgezçe, ikençe rang käpitänı Şamil Naserov - bu mäğlümätlärne tuplap, berençe tapqır uquçılar iğtibarına täqdim itälär.
Prezident Mintimer Şäymiev häm Rusiä xärbi-diñgez flotı başlığı Kuroedovnıñ kereş süzennän soñ kitap Bolğar ile häm Qazan xanlığında karablar tözü tarixı belän başlana. ”Biş balta” karab tözüçeläre, Qazan admiralteystvosı tözelü häm anıñ eşçänlege, xalqıbıznıñ urman belän bäyle cırları ni öçen sağışlı - kitapta bu häm başqa bixisäp qızıqlı materiallar tuplanğan.
Kitap avtorlarınıñ bersen - Şamil äfände Naserovnıñ üzen dä tıñlap qarıyq: (audio)
Kitapnıñ XIX-XX ğasırda flotta xezmät itkän millättäşlärebez turındağı bitläre dä bik qızıqlı. Häm inde bügenge köndä Kronştadta torğan “Qazan”, “Kazanes” karabları tarixı, anda xezmät itüçe Tatarstan yegetläre, şeflıq elemtäläre turındağı bülek tä iğtibarnı cälep itä.
Kitapnıñ räsmi avtorları ikäw bulsa da, bulışlıq itkännäre sanap betergesez. Şamil Äxmätşin üze dä kitapnı äzerläwdä bulışqannarnı autordaş dip sanıy: (audio)
Täqdim itü çarasında kitapnıñ geroyları, alar arasında kontr-admiral Yüriy Xaliullin, Tönyäk diñgez yulı ekspeditsiäsendä qatnaşqan su astı köymäse komandirı, legendar İzmail Zäydullinnıñ ulı, üze dä diñgez ofitserı, xärbi Akädemiä professorı Camal Zäydullin häm başqalar bar ide. Ä inde Naximov uçilişçesı kursantı üsmer yeget Marselneñ dä kiçädä qatnaşuı tatarlar flotta üz urının yuğaltmas digän ömet uyata. Kitap avtorları Şamil Äxmätşin häm Şamil Naserov, şuña ömet itepter inde, yegetkä “Bulaçaq admiral Marselgä” dip yazıp kitap büläk ittelär.
Gölzadä Kamalova, Sankt-Peterburg
